حقو-عا بارۋ ءۇشىن كەزەك ۋاقىتىن 1414 بايلانىس ورتالىعى نەمەسە نەمەسە egov.kz پورتالىنداعى ارنايى سەرۆيس جانە egovkzbot2.0 تەلەگرام-بوتى ارقىلى الدىنا الا برونداۋ قاجەت. «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ وبلىس بويىنشا فيليالىنىڭ ديرەكتورى ازامات ەسەمبۇلوۆتىڭ ايتۋىنشا, كوروناۆيرۋس ينفەكتسياسىن جۇقتىرۋ قاۋپى ءالى دە بار. «كەزەكتى الدىن الا برونداۋ شارالارى سەمەيلىكتەر مەن قىزمەتكەرلەرىمىزدىڭ ساۋلىعىن قامتاماسىز ەتۋ ماقساتىندا جاسالعان.
سونداي-اق ورتالىقتارعا بارعان كەزدە ماسكا كيۋ ءتارتىبىن ساقتاۋ ماڭىزدى» دەيدى ول. كومپيۋتەرى جوق ازاماتتار ءۇشىن سەمەيدە حقو عيماراتىنان تىس وزدىگىنەن قىزمەت الۋعا ارنالعان 28 egov.kz بۇرىشى اشىلدى. ولار قالا اكىمدىگىنىڭ عيماراتىندا, قالالىق كىتاپحانالاردا جانە اۋىل اكىمدىكتەرىنىڭ عيماراتىندا ورنالاسقان.
سەمەيدە باسقا ۇيىمدار ىسكە قوسىلعاننان كەيىن وسىنداي بۇرىشتار سانى تاعى ۇلعاياتىن بولادى. دەگەنمەن, 3 ساناتتاعى ازاماتتار, ياعني زەينەتكەرلەر, كوپ بالالى وتباسىلار جانە مۇگەدەكتەر ەلەكتروندىق قىزمەتتەردى حقو-دان دا الا الادى. ءار فرونت-وفيستە ولار ءۇشىن جەڭىلدىك تەرەزەسى جۇمىس ىستەيدى. سونداي-اق ولار دا حقو-عا باراتىن ۋاقىتىن الدىن الا برونداۋى كەرەك.
سەمەي
