ايماقتار • 29 مامىر، 2020

شىمكەنتتە قوعامدىق كولىكتەر شىلدەدەن باستاپ ەلەكتروندىق تولەم جۇيەسىنە كوشپەك

81 رەت كورسەتىلدى

بۇگىن اقپاراتتىق-كوممۋنيكاتسيالىق ورتالىعىندا شىمكەنت قالاسى اكىمىنىڭ ورىنباسارى ماقسۇت يساحوۆ، «Shymkent» اكك ۋربانيستيكا دەپارتامەنتىنىڭ ديرەكتورى جەڭىس جالبىر جانە «QazSmartTrans» جشس-ءى ديرەكتورى سەرجان اقىلباەۆتىڭ قاتىسۋىمەن «جولاۋشىلاردى تاسىمالداۋ سالاسىن رەفورمالاۋ» تاقىرىبىندا ونلاين-بريفينگ ءوتتى. 

بررفينگ بارىسىندا ەڭ العاش ءسوز العان اكىم ورىنباسارى قالامىزداعى قوعامدىق كولىكتىڭ جۇمىسىن جاقسارتۋ ماقساتىندا وسى جىل ىشىندە قولدانىستاعى مارشرۋتتار جەلىسى جاڭارتىلىپ، جولاۋشىلار كولىگىن دامىتۋدىڭ كەشەندى سحەماسى ازىرلەنەتىنىن ايتتى. 

– سحەمانى ازىرلەۋدى «City Transportation Systems Transport» (استانا LRT) جشس-ءى جۇزەگە اسىرادى. ال قوعامدىق كولىكتى جان-جاقتى مودەرنيزاتسيالاۋ، قورشاعان ورتانى قۇرۋ، جولاۋشىلاردى تاسىمالداۋ قىزمەتىن جاقسارتۋ، قاۋىپسىزدىكتى قامتاماسىز ەتۋ، بارلىق جولدى پايدالانۋشىلار ءۇشىن قولايلى كولىكتىڭ قىزمەت ەتۋ مەرزىمىن ساقتاۋ جانە كولىكتىڭ ۇتقىرلىعىن قۇرۋ بويىنشا اۋقىمدى جۇمىستار ىسكە استى. بۇل جۇمىستار بارىسىندا «Online» رەجيمىندە قالا تۇرعىندارىنىڭ 21 مىڭىنان ساۋالناما جۇرگىزىلىپ، 75%-ى قوعامدىق كولىكتى مودەرنيزاتسيالاۋدى تالاپ ەتەتىنى ايقىن بولدى. اتاپ ايتساق، جولاۋشىلار قوعامدىق كولىكتەردىڭ باعىتتارى وزگەرۋىن، قىزمەت كورسەتۋ ساپاسى جاقسارۋىن جانە اۆتوبۋستاردى جاڭارتۋدى قالايتىندىقتارىن جەتكىزدى» – دەدى، ماقسۇت يساحوۆ.

بۇدان بولەك، قالا اكىمىنىڭ ورىنباسارى زەرتتەۋ مەن تالداۋدى ەسكەرە وتىرىپ، تومەندەگىلەر كونتسەپتسيامەن قاراستىرىلاتىنىن تىلگە تيەك ەتتى.

اتاپ وتسەك:

– قولدانىستاعى باعىتتاردى وڭتايلاندىرۋ جانە جاڭا باعىتتاردىڭ اشىلۋى; 

– جىلجىمالى قۇرامنىڭ تولىق جاڭارتىلۋى;

– ترانسپورتتىق حاب-تاردى ۇيىمداستىرۋ;  

– شەت جەردەن كەلىپ-كەتەتىن، راديالدى، ماگيسترالدىق باعىتتاردى اشۋ.  

اتالعان بريفينگ كەزىندە ماقسۇت پەرنەباي ۇلى رەفورما جايلى جان-جاقتى ءتۇسىندىرىپ، بۇل وزگەرىستەر حالىقتىڭ وتىنىشىمەن، قالاداعى قوعامدىق كولىك جۇمىسى بارىسىنداعى كەمشىلىكتەردى جويۋ ءۇشىن جاسالىپ جاتقانىن باسا ايتىپ ءوتتى.

بريفينگتە بەلگىلى بولعانداي، باستى رەفورمانىڭ ءبىرى – قالاداعى قوعامدىق كولىكتەرگە ەلەكتروندىق بيلەتتەندىرۋ جۇيەسىن ەنگىزۋ. بۇل رەفورما «QazSmartTrans» جشس-ءنىڭ جەكە ينۆەستيتسيالارى ەسەبىنەن جۇزەگە اسىرىلادى. جۇيەنى وسى جىلدىڭ شىلدە ايىندا پايدالانۋعا بەرۋ جوسپارلانۋدا.

شيراتىپ ايتساق، كولىك كارتاسىنىڭ باعاسى – 500 تەڭگە. كارتالاردىڭ 4 ءتۇرى بار. ولار – جالپى پايدالاناتىن كارتا، وقۋشىلاردىڭ كارتاسى، ستۋدەنتتىك كارتا جانە تەگىن ءجۇرۋ كارتاسى. ال اتالعان جۇيەنى قولعا العان «QazSmartTrans» جشس-ءسى تاراپىنان كولىك كارتاسى ۇلى وتان سوعىسى ارداگەرلەرى مەن مۇگەدەكتەرىنە، تىل ەڭبەككەرلەرىنە («ەرەن ەڭبەگى ءۇشىن مەدالىمەن» ماراپاتتالعاندار)، «باتىر انا»، «التىن القا»، «كۇمىس القا» توسبەلگىلەرىمەن ماراپاتتالعاندار جانە ءى-توپتاعى كورۋ قابىلەتى ناشار زاعيپ جاندارعا تەگىن تاراتىلادى.  

بريفينگتە «Shymkent» اكك ۋربانيستيكا دەپارتامەنتىنىڭ ديرەكتورى جەڭىس قۋاندىق ۇلى جانە «QazSmartTrans» جشس-ءى ديرەكتورى سەرجان زيابەك ۇلى جاڭا وزگەرىستەر توڭىرەگىندە ءسوز قوزعاپ، ارنايى كارتا ارقىلى قالاي تولەم جاسالاتىنى جايلى ءتۇسىندىرىلدى. ياعني، جولاۋشىلار كولىك كارتاسىمەن SMS، QR-كود، سمارتفوندى (NFC) قولدانا وتىرىپ، جول ءجۇرۋ اقىسىن تولەيدى. وسى رەتتە الداعى ۋاقىتتا بۇل جۇيە ءبىلىم ورداسىنا دا ەنگىزىلىپ، وقۋشىلار مەكتەپ اسحانالارىندا كولىك كارتاسىمەن تولەۋ مۇمكىندىگى قاراستىرىلىپ جاتقانىن ايتا كەتكەن ءجون. 

جيىن سوڭىندا باق وكىلدەرى تاراپىنان سۇراقتار قويىلىپ، جان-جاقتى جاۋاپ بەرىلدى.

 
سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ۇقساس جاڭالىقتار