الەم • 29 مامىر، 2020

تۇركىتانۋ كافەدرالارى كەڭەسىنىڭ وتىرىسى ءوتتى

9 رەت كورسەتىلدى

27-28 مامىر ارالاعىندا حالىقارالىق تۇركى اكادەمياسى تۇركىتانۋ كافەدرالار كەڭەسىنىڭ جيىنىن وتكىزدى. بۇل تۋرالى اكادەميانىڭ ءباسپاسوز قىزمەتى حابارلادى.

ونلاين فورماتتا وتكەن جيىنعا ازەربايجان، قازاقستان، قىرعىزستان، وزبەكستان، تۇركيا جانە ماجارستان، موڭعوليا، سونىمەن قاتار التاي، باشقۇرتستان، تاتارستان رەسپۋبليكالارىنىڭ (رف) جوعارعى وقۋ ورىندارىنداعى تۇركولوگيا كافەدرالارى مەن ورتالىقتارىنىڭ مەڭگەرۋشىلەرى، پروفەسسورلارى، ءتىل ءبىلىمى ينستيتۋتتارىنىڭ باسشىلارى قاتىستى.

تۇركى تىلدەس ەلدەرى اراسىندا تۇڭعىش رەت وتكەن شارا بارىسىندا قازىرگى وقۋ پروتسەسىندەگى تۇركولوگيا سالاسىنىڭ ماسەلەلەرى تالقىلاندى.

اكادەميا باسشىسى دارحان قىدىرالىنىڭ مودەراتورلىعىمەن وتكەن جيىننىڭ العاشقى كۇنىندە ماماندار تۇركىتانۋ كافەدرالارىنىڭ قازىرگى جاعدايى، پروبلەمالارى مەن جەتىستىكتەرى تۋرالى پىكىر الماستى. ءار تاراپ ءوز ەلدەرىندەگى احۋالداردى بايانداپ بەردى.

باسقوسۋدىڭ ەكىنشى كۇنىندە قاتىسۋشىلاردىڭ ءوزارا ىنتىماقتاستىق ورناتۋ مۇمكىندىكتەرى، تۇركى تىلدەس ەلدەر جوعارعى وقۋ ورىندارىنىڭ وقىتۋشىلارى مەن ءبىلىم الۋشىلارى اراسىندا تاجىريبە الماسۋ، وقۋ پروتسەسىندەگى ورتاق ستاندارتتاردى قاراستىرۋ، ستۋدەنتتەرگە شاكىرتاقى تاعايىنداۋ، تۇلەكتەردىڭ جۇمىسقا ورنالاسۋى تۋرالى ءسوز قوزعالدى.

ەكى كۇنگە سوزىلعان كەڭەس وتىرىسىنىڭ باستى تاقىرىبى ەلدەر اراسىنداعى تۇركولوگ مامانداردىڭ قارىم-قاتىناسىن ارتتىرۋ بولدى. وسى ورايدا، ماماندار تۇركولوگيانى تەك لينگۆيستيكالىق باعىتپەن شەكتەمەي، ءورىسىن كەڭەيتۋ تۋرالى دا پىكىر الماستى. سونداي-اق، SCOPUS مالىمەتتەر بازاسىنا ەنەتىن حالىقارالىق دەڭگەيدەگى جۋرنالدار شىعارۋ، ساندىق تەحنولوگيانىڭ مول مۇمكىندىكتەرىن پايدالانۋ ارقىلى قاشىقتان وقىتۋ، ەلەكتروندى جۋرنالدار مەن كىتاپتار شىعارۋدى قولعا الۋ ماسەلەلەرى قاراستىرىلدى. ورتاق وقۋ باعدارلامالارىن دا جاساقتاۋ جونىندە ويلار تالقىلاندى. 

القالى جيىننىڭ قورىتىندىسى بويىنشا تاراپتار تۇركولوگياداعى ماڭىزدى ماسەلەرگە بايلانىستى ورتاق عىلىمي جوبالاردى ىسكە اسىرۋ، تۇراقتى تۇردە ونلاين سەمينارلار مەن دارىستەر وتكىزۋگە ۋاعدالاستى. سونىمەن قاتار، ءبىلىم الۋشى جاس ستۋدەنتتەرگە جازعى لاگەر تۇرىندەگى تاجىريبە الماسۋ ءداستۇرىن قولعا الىپ، بىرلەسىپ ۇيىمداستىرۋعا قاتىستى ۇسىنىستار ايتىلدى. مامانداردىڭ ورتاعا سالعان ويلارى اكادەميا تاراپىنان  عىلىمي كەڭەس وتىرىستارىندا ءبىلىم جانە عىلىم مينيسترلەرىنە جەتكىزىلەتىن بولادى.

ايتا كەتۋ كەرەك، 2020 جىلدىڭ قاڭتارىندا ءبىلىم جانە عىلىم مينيسترلەرىنىڭ قاتىسۋىمەن وتكەن حالىقارالىق تۇركى اكادەمياسىنىڭ عىلىمي كەڭەسىنىڭ ءۇشىنشى وتىرىسىندا جوعارعى وقۋ ورىندارداعى تۇركىتانۋ كافەدرالارىنىڭ ءبىلىم سالاسىنداعى قىزمەتتەرىن ۇيلەستىرۋ جۇمىستارىن باستاۋ تۋرالى شەشىم قابىلدانعان ەدى.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

تالىمگەرلىككە ءازىر

رۋحانيات • بۇگىن، 07:21

كاسىپكەرلەر كومەككە كەلدى

قوعام • بۇگىن، 07:18

تاريحي مۇرانى زەرتتەۋگە كىرىستى

ەڭ قىسقا اڭگىمە • بۇگىن، 07:16

ەرىكتىلەردىڭ ەلگە كومەگى

ايماقتار • بۇگىن، 07:13

ۇقساس جاڭالىقتار