«نۇر وتان» پارتياسىنىڭ سولتۇستىك قازاقستان وبلىستىق فيليالىنىڭ بەلسەندىلەرى وسى ماسەلەنى ەسكەرىپ, جول جوندەۋشىلەردىڭ جۇمىس ساپاسىن تەكسەرۋدى قولعا الدى. مۇنىڭ وتە ماڭىزدى جانە قاجەتتى ءىس ەكەنىن ەسكەرگەن وبلىس تۇرعىندارى وعان قولداۋ بىلدىرۋدە.
جۋىردا ولار قىزىلجاردىڭ ىرگەسىندەگى بەسكول سەلوسىنداعى 22 شاقىرىمدىق جول قۇرىلىسىن جۇرگىزۋ ساپاسىن تەكسەردى. بۇل جولعا مەملەكەتتىك بيۋدجەتتەن 800 ملن تەڭگە بولىنگەن. جول جوندەۋ تەندەرىن بابكەن مارتيروسيان باسقاراتىن وبلىسقا بەلگىلى «دوروجنيك. اشىق اسپان» جشس ۇتىپ الىپتى. جۇمىستى كۇزگە دەيىن ءبىتىرۋدى قولعا العان كاسىپورىن قازىر قىزۋ ارەكەتكە كىرىسكەن.
دەگەنمەن جۇرگىزىلگەن جولداردىڭ ساپاسىزدىعىن «نۇروتاندىقتار» بىردەن بايقادى. سونىڭ ىشىندە, تەكسەرۋ توبىنىڭ مۇشەسى الان جۋكوۆ جولدىڭ تەگىس ەمەستىگىن, الدەن يرەلەڭدەپ جاتقانىن ايتتى. «ەرتەڭ جۇك كولىكتەرى جۇرە باستاعاندا بۇل جولداردىڭ ساپاسىز ەكەندىگى بىردەن كورىنەدى. وسىنىڭ سەبەبىن سۇراعانىمىزدا بىزگە مەردىگەر تاپسىرىس بەرۋشىنىڭ گەودەزيستىڭ جۇمىسىنا سمەتادا قاراجات قاراستىرماعانىن ايتتى. ال جەردىڭ قاتتى-جۇمساقتىعىن, قىسىمىن تەك سول ماماندار انىقتايدى. سوعان سايكەس ءبىز قيىرشىقتاستى قالىڭ نەمەسە جۇقا توسەر ەدىك دەيدى. ونداي ماماندىقتىڭ قورىتىندىسى بولماعاندىقتان ءبىز بارلىق جولعا اسفالتتى تەڭدەي توسەۋدەمىز» دەپ جاۋاپ بەرىپتى.
ءسويتىپ, سالىنىپ جولدىڭ وزىنەن ساپاسىزدىق انىقتالىپ جاتىر. بۇل ماسەلەنى «نۇروتاندىقتار» ءتيىستى ورىندارعا جەتكىزبەكشى. تەك سودان دۇرىس ناتيجە شىقسا يگى.
سولتۇستىك قازاقستان وبلىسى
