الەم • 29 مامىر، 2020

امەريكالىقتار «دايديداۋ» ءانىن قازاق تىلىندە شىرقادى (ۆيدەو)

330 رەت كورسەتىلدى

24 مامىردا ديماشتىڭ اقش-تاعى فان-كلۋبىنىڭ رەسمي YouTube كانالىندا جانكۇيەرلەردىڭ بىرىگىپ، قازاقستاندىق ءانشىنىڭ ءانىن قازاق تىلىندە ورىنداپ جاتقان ۆيدەوسى جاريالاندى.

ناۋرىز ايىنىڭ باسىندا «Dimash USA FC» كوشباسشىسى فان-كلۋب جەتەكشىلىگىنە ديماشتىڭ تۋعان كۇنىنە وراي قۇتتىقتاۋ ۆيدەوروليك  ءتۇسىرۋ يدەياسىن ۇسىنعان بولاتىن. كاليفورنياداعى فان-كلۋب فيليالىنىڭ ليدەرى كيمبەرلي فالكونە يدەيانى بىردەن قولدادى. الايدا، ۆيدەونى قاي ستيلدە ءتۇسىرۋ كەرەكتىگىن بىردەن ناقتىلامادى.

كەيىن كيمبەرلي توپتىڭ ترانسليتەراتسيا بويىنشا مۇشەسى چەلسي دايموندقا جولىعىپ، جاڭا ۆيدەو ازىرلەۋ كەرەكتىگى تۋرالى ءوتىنىش ايتادى. اڭگىمە بارىسىندا ەرەكشە «چەللەندج» ۇيىمداستىرۋ تۋرالى وي كەلەدى – وزگە فاناتتارمەن بىرىگىپ، ديماشتىڭ ءانىن ونىڭ انا تىلىندە شىرقاۋ كەرەك بولادى. وسىعان ۇقساس قاشىقتىقتان حورمەن ورىندالعان اندەردى تىڭداپ، امەريكالىق فان-كلۋب اكىمشىسى ءتۇسىرىلىمدى باسقا جانكۇيەرلەرمەن دە ازىرلەۋ كەرەك دەپ شەشەدى.

فاناتتار ديماشتىڭ «دايديداۋ» انىنە توقتايدى. بۇل ءاننىڭ نيۋ-يوركتەگى كونتسەرتتە بولعان امەريكالىق فاناتتار ءۇشىن ماڭىزى زور.

فان-كلۋب اكىمشىسى «FaceTime» بويىنشا ۆيدەوقوڭىراۋ ستيلىندە ۆيدەو جازادى، وزگە فاناتتار دا قولدايدى دەگەن سەنىممەن وزدەرىنىڭ يدەيالارى تۋرالى فان-كلۋبتىڭ فەيسبۋكتەگى رەسمي اككاۋنتىندا حابارلايدى.

قۇلاققاپ كيىپ، ديماشتىڭ «دايديداۋ» ءانىن ۋنيسون ورىنداپ، جەكە داۋىستارىن جولداۋ كەرەكتىگى تۋرالى ۇندەۋ تاستايدى. ۆيدەولار جينالعان سوڭ، فان-كلۋب اكىمشىسى ولاردى تۇتاس ءبىر ۆيدەوعا بىرىكتىرەدى.

امەريكالىق فاناتتاردىڭ ايتۋىنشا، قازاق تىلىندە ءان ايتۋ وڭايعا سوقپاسا كەرەك، بىراق قىزىق بولىپتى. ترانسليتەراتسيانىڭ كومەگى دە زور بولعان. بىرقاتار Dears بەكۆوكال جازىپ، ءاندى ودان ءارى ارلەي ءتۇستى.

Dears ۆيدەوسىن MP3 فورماتقا كونۆەرتاتسيالاپ، ديماشتىڭ داۋىسىمەن بايلانىستىرعانعا دەيىن شامامەن 100 ساعاتتان استام ۋاقىت كەتتى. و باستا فاناتتار ءاندى تولىق ورىنداپ شىقتى، كەيىن ەديتورلار ءاربىر قاتىسۋشىنىڭ ۆيدەوسىنان ءاننىڭ ءبىر جولىنان كەسىپ، تۇتاس ءبىر روليك قۇراستىرىپ شىقتى.

جالپى العاندا، حورعا  اقش-تىڭ 7 شتاتى مەن ءتورت مەملەكەتتەن (نيدەرلاندى، كانادا، كولۋمبيا، ءۇندىستان) 21 Dears قاتىستى.

سونىمەن بىرگە، اقش-تىڭ 21 شتاتىنان جانە ءتورت ەلدەن (ارگەنتينا، برازيليا، كانادا، نيدەرلاندى) 102 فاناتتىڭ قۇتتىقتاۋ لەبىزدەرى ۆيدەوعا جازىپ الىندى.

امەريكالىق فان-كلۋب اكىمشىسىنىڭ ايتۋىنشا، بارلىق Dears جۇمىستى قۋانا-قۋانا ىستەگەن. كارانتين كەزىندە ولار ديماشتى قۋانىش سىيلاپ، قۇتتىقتاپ قانا قويماي، بىرلەسكەن جوبانى ازىرلەۋ بارىسىندا كەرەمەت ۋاقىت وتكىزىپ، ەرەكشە سەزىمگە بولەندى.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

ۇقساس جاڭالىقتار