بۇگىنگى تاڭدا ناۆيگاتورلار, GPS ترەكەرلەرى مەن پلانشەتتەرىن قولداناتىن ارنايى قىزمەتتەر 3 ملن گەكتارعا جۋىق جەردى زەرتتەپ, جامبىل جانە تۇركىستان وبلىستارىندا 150 مىڭ گەكتار جەردەگى ماروككو شەگىرتكەلەرىن تاپتى. قازىرگى ۋاقىتتا بۇل ايماقتاردا حيميالىق وڭدەۋ جۇمىستارى اياقتالۋعا جاقىن.
يتاليالىق پرۋس شەگىرتكەلەرى الماتى, جامبىل, قاراعاندى جانە پاۆلودار وبلىستارىنىڭ 93 مىڭ گەكتار جەرىن جايلاعان. قازىر اتالعان القاپتاردى قورعاۋ شارالارى باستالدى.
سپيكەر رەسپۋبليكالىق فيتوسانيتارلىق دياگنوستيكا جانە بولجامداۋ ورتالىعىنىڭ مالىمەتىنە سۇيەنە وتىرىپ, وسى جىلى ەلىمىزدە 800 مىڭ گەكتار جەرگە شەگىرتكەلەردىڭ تارالۋ قاۋپى بار ەكەنىن اتاپ ءوتتى.
شەگىرتكەمەن كۇرەسۋگە 1,5 ملرد-تان استام قارجى ءبولىندى. بۇل قاراجاتقا حيميالىق وڭدەۋ مەن پەستيتسيدتەر ساتىپ الىندى.
جۇمىس ناتيجەلى بولۋ ءۇشىن ءتۇرلى پرەپاراتتار الىندى. ەمدەۋگە 148 ارنايى بۇرىككىش قۇرال-جابدىقتار, ونىڭ ىشىندە 20 ۇشاق جانە ۋلترادىبىستىق ۇشاقتار تارتىلدى. وڭىرلەردە وبلىس اكىمدىكتەرىمەن بىرلەسىپ جەدەل شتابتار قۇرىلدى, باقىلاۋ جانە حيميالىق وڭدەۋ بويىنشا جۇمىس جوسپارلارى بەكىتىلدى.
«جالپى العاندا, شەگىرتكە وشاقتارىن انىقتاۋ ءۇشىن 38 ملن گەكتاردان استام جەرگە زەرتتەۋ جۇمىستارى جۇرگىزىلدى. الداعى ۋاقىتتا كورشى ەلدەر ساراپشىلارىنىڭ قاتىسۋىمەن بىرلەسكەن جۇمىستار اتقارامىز. قازاقستان, رەسەي, قىتاي جانە وزبەكستاننىڭ اۋىل شارۋاشىلىعى مينيسترلىكتەرى اراسىندا كەلىسىم بار», - دەدى الامابەك مارس.
افريكا كونتينەنتىنىڭ قازىرگى ۋاقىتتا شەگىرتكەلەردەن زارداپ شەگىپ وتىرعاندىعىن اتاپ ءوتتى. سونداي-اق, اۋعانستان, پاكىستان, ءۇندىستان جانە باسقا دا ازيا ەلدەرىندە زيانكەس جاندىكتەردىڭ سانى كوبەيگەن.
