كوروناۆيرۋس • 29 مامىر، 2020

ديليارا قايداروۆا: ءاربىر ادام سانيتارلىق نورمالاردىڭ ماڭىزدىلىعىن ءتۇسىنۋى ءتيىس

30 رەت كورسەتىلدى

قر دسم باس ونكولوگى، قر دسم قازاق ونكولوگيا جانە راديولوگيا عزي-نىڭ باسقارما ءتورايىمى، قر ۇعا اكادەميگى ديليارا قايداروۆا پرەزيدەنت قاسىم-جومارت توقاەۆتىڭ ۇلتتىق قوعامدىق سەنىم كەڭەسىنىڭ وتىرىسىندا سويلەگەن سوزىنە وراي ءوز پىكىرىن ءبىلدىردى.

– مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ ءۇشىنشى وتىرىسىندا سويلەگەن سوزىندە دەنساۋلىق ساقتاۋ سالاسىندا قالىپتاسقان وتە ماڭىزدى جانە وزەكتى ماسەلەلەردى قوزعادى. ءبىرىنشى كەزەكتە، دارىگەرلىك قاتەلىكتەر مەن كلينيكالىق زەرتتەۋلەر جۇرگىزۋ ءتارتىبىن بۇزعانى ءۇشىن قىلمىستىق قۋدالاۋعا قاتىستى ماسەلەنى ءسوز ەتتى.

اتاپ ايتقاندا، ءبىز پرەزيدەنتتىڭ قازىرگى تاڭدا دارىگەرلىك مىندەتتەردى تيىسىنشە ورىنداماۋ تۋرالى ۇعىمدى زاڭ جۇزىندە جانە ناقتى اجىراتۋ قاجەتتىلىگى تۋرالى ايتقان ءسوزىن تولىق قولدايمىز.

پرەزيدەنت عىلىمدى دامىتۋعا ۇلكەن كوڭىل بولۋدە. ول ءوز سوزىندە ۇكىمەتتىڭ ىرگەلى عىلىم مەن زەرتتەۋ ينستيتۋتتارىن بازالىق قارجىلاندىرۋ كولەمىن ۇلعايتۋ مۇمكىندىگىن قاراستىرۋ كەرەكتىگىن اتاپ ءوتتى.

ايتا كەتەيىك، قازوجرعزي-دا كلينيكالىق جانە عىلىمي زەرتتەۋلەردى ساپالى جۇرگىزۋ ءۇشىن قارجىلاندىرۋدى دا، ماتەريالدىق-تەحنيكالىق بازامەن جابدىقتاۋدى دا تالاپ ەتەتىن كلينيكالىق زەرتتەۋلەر جۇرگىزىلەدى، دەيدى ديليارا راديكقىزى.

سونىمەن قاتار ەلىمىزدىڭ باس ونكولوگى  ونكولوگيالىق اۋرۋلاردىڭ الدىن الۋ مەن ەرتە اسقىندىرماي دياگنوستيكالاۋعا ۇلكەن كوڭىل بولىنەتىندىگىن اتادى.

ماسەلەن، قازاقستان حالقى ءۇشىن ەمحانالاردا ونكوسكرينينگتەردىڭ 3 ءتۇرى تەگىن جۇرگىزىلەدى:

1) ءسۇت بەزى وبىرىنا

2) كولورەكتالدى وبىرعا

3) جاتىر موينى وبىرىنا.

جىل سايىن مەملەكەتتىك بيۋدجەتتەن سكرينينگتەر جۇرگىزۋگە 4 ميلليارد تەڭگە بولىنەدى.

– قازىرگى تاڭدا، COVID-19-عا قاتىستى جاعدايدى ەسكەرە وتىرىپ، ءاربىر ادام سانيتارلىق-ەپيدەميولوگيالىق نورمالار مەن جەكە گيگيەنانىڭ ماڭىزى مەن ساقتالۋىن ءتۇسىنۋى ءتيىس.

قازوجرعزي-دا ءبىزدىڭ ماماندارىمىزدىڭ بىلىكتىلىگىن ارتتىرۋ بويىنشا جۇيەلى تۇردە جۇمىستار جۇرگىزىلەدى، مىسالى، وقىتۋ كونفەرەنتسيالارى، ماستەر-كلاستار، شەتەلدىك ماماندارمەن بىرلەسكەن تۋموربوردتار. پرەزيدەنتتىڭ جوعارى بىلىكتى ماماندارعا كوپ كوڭىل بولگەنى قۋانتادى.

قازوجرعزي ۇجىمى مەملەكەت باسشىسىنىڭ بارلىق باستامالارىن قولدايدى جانە وتاندىق مەديتسينانىڭ جاڭا، ساپالى دەڭگەيىن كوتەرۋ ءۇشىن ءبارىن جاسايدى، – دەيدى ديليارا راديكقىزى.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

ۇقساس جاڭالىقتار