اتاپ ايتقاندا, جاراتىلىستانۋ فاكۋلتەتىنىڭ ءبىلىم الۋشىلارى جوعارى وقۋ ورىندارى ستۋدەنتتەرى اراسىندا «حيميا» ماماندىعى بويىنشا ۇيىمداستىرىلعان XII رەسپۋبليكالىق پاندىك وليمپياداسىندا ەكىنشى ورىنعا يە بولدى.
سايىس بارىسىندا «حيميا» ماماندىعىنىڭ ستۋدەنتتەرى ايبانۋ وتەگەنوۆا مەن نازىم ەراليەۆا ءبىلىمى مەن بىلىگىن پاش ەتىپ, بارلىق سىناقتان جوعارى ناتيجە كورسەتتى.
جاستاردىڭ شىعارماشىلىق ويلاۋ قابىلەتىن قالىپتاستىرۋ جانە حيميا سالاسىنداعى ستۋدەنتتەردىڭ عىلىمي-زەرتتەۋ قىزمەتىن ىنتالاندىرۋ ماقساتىنداعى بيىلعى ءبىلىم جارىسى قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ۇيىمداستىرۋىمەن ءوتتى. ونلاين فورماتتا جۇرگىزىلگەن سايىسقا ەلىمىزدەگى 10-نان استام جوعارى وقۋ ورنىنىڭ ستۋدەنتتەرى قاتىسىپ, باقتارى مەن باپتارىن سىنادى.
سونىمەن قاتار قىزدار ۋنيۆەرسيتەتىنىڭ ستۋدەنتتەرى «مەكتەپكە دەيىنگى وقىتۋ جانە تاربيەلەۋ» ءبىلىم بەرۋ باعدارلاماسى بويىنشا وتكەن رەسپۋبليكالىق پاندىك وليمپيادادا ەكىنشى ورىن الدى.
قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە ۇيىمداستىرىلعان ءداستۇرلى ءبىلىم سايىسى ونلاين فورماتتا ءوتتى. بولاشاق پەداگوگتاردىڭ ءبىلىمى مەن بىلىگى ساراپقا سالىنعان جارىستىڭ ماقساتى – ستۋدەنتتەردى وقۋ-تانىمدىق جانە وقۋ-زەرتتەۋ جۇمىستارىنا ىنتالاندىرۋ, ولاردىڭ كاسىبي-تۇلعالىق الەۋەتىن قالىپتاستىرۋ جانە دارىندى جاستاردى انىقتاۋ.
وليمپياداعا ەلىمىزدەگى جوعارى وقۋ ورىندارىنىڭ ستۋدەنتتەرى قاتىسىپ, بىرنەشە كەزەڭ بويىنشا تاپسىرمالار ورىندادى.
جەڭىمپاز ءبىلىم الۋشىلار مەن ولاردىڭ جەتەكشىلەرى «العىس حاتتارمەن» ماراپاتتالدى.
