ايماقتار • 29 مامىر، 2020

ەلوردالىق مەدياتورلار وتباسىن تاتۋلاستىرۋعا كومەكتەسەدى

6 رەت كورسەتىلدى

وتكەن جىلى مەدياتسيا ورتالىعىنا بارعان سوڭ 10 جۇپ اجىراسۋدان باس تارتقان، دەپ حابارلايدى نۇر-سۇلتان اكىمدىگىنىڭ رەسمي سايتى.

وتباسىنداعى كيكىلجىڭدى سوتسىز قالاي شەشۋگە بولادى؟ ەلوردادا Senim تاتۋلاسۋ ورتالىعى (مەدياتسيا ورتالىعى) ءوز جۇمىسىن جۇرگىزۋدە. مۇندا قيىن ومىرلىك جاعدايدا جۇرگەن ادامدار جۇگىنە الادى.

«وتباسىلىق قارىم-قاتىناستاعى پروبلەمالارعا تاپ بولعان جانە پسيحولوگيالىق نەمەسە زاڭ كومەگىنە مۇقتاج ادامدار بىزگە كەلىپ، كەڭەس الا الادى. ءبىز ماسەلەنى سوتقا دەيىنگى ادىستەرمەن شەشەمىز»، – دەيدى «مەدياتسيا ورتالىعى» جوباسىنىڭ كۋراتورى اسەم التاەۆا.

ورتالىق 2019 جىلى قۇرىلعان. جوبا اياسىندا قوعامدىق قابىلداۋ جۇمىس ىستەيدى، مۇندا بىلىكتى پسيحولوگتار مەن زاڭگەرلەر تەگىن قىزمەت كورسەتەدى، سەنىم تەلەفونى بار. تۇرمىستىق زورلىق-زومبىلىق قۇرباندارىنا كومەك كورسەتۋ جانە ونىڭ ودان ءارى كورىنىستەرىنىڭ الدىن الۋ بويىنشا ءوزارا ءىس-قيمىل تەتىگىن تالقىلاۋ ءۇشىن بارلىق مۇددەلى قۇرىلىمداردى – مەملەكەتتىك ۇيىمداردى، قۇقىق قورعاۋ ورگاندارىن، ۇەۇ، باق-تى شاقىرا وتىرىپ، ءتۇرلى ءىس-شارالار وتكىزىلەدى.

سونىمەن قاتار وتباسى مەن ازاماتتار اراسىنداعى جانجالداردى ءتيىمدى شەشۋگە ارنالعان وقىتۋ قىزمەتتەرى تەگىن كورسەتىلەدى. Senim ورتالىعى قۇقىق قورعاۋ ورگاندارىمەن، سوتتارمەن جانە احاج-مەن تۇراقتى نەگىزدە ءوزارا ءىس-قيمىل جاسايدى. كارانتين كەزىندە Senim زاڭگەرلىك كومەك ونلاين-قىزمەتىنە جانە call-ورتالىققا 380 ادام جۇگىنگەن، ونىڭ 270-ءى قۇقىقتىق، 110-ى جالپى ماسەلەلەر بويىنشا. ورتالىقتىڭ جۇمىسى جاڭارتىلعاننان كەيىن 230-عا جۋىق ءوتىنىش كەلىپ ءتۇستى.

«وتىنىشتەر ءارتۇرلى، ەڭبەك داۋلارىنان باستاپ، وتباسىلىق جۇپتار اراسىنداعى داۋلى جاعدايلارعا دەيىن»، – دەپ ءتۇسىندىردى ءا.التاەۆا.

2019 جىلدىڭ قورىتىندىسى بويىنشا جوبامەن 3 مىڭ ادام قامتىلدى، 10 وتباسى تاتۋلاستى. تاتۋلاسۋ ورتالىعىنىڭ كەڭەس بەرۋ قىزمەتىن جۇزدەن استام ادام الدى.

«كەيدە ادامدار ءبىر-ءبىرىن كورگىسى كەلمەيدى. ال بىلىكتى مەدياتوردىڭ ارقاسىندا تاراپتار تاتۋلاسىپ، م ۇلىكتەردى سوتسىز بولۋگە كومەكتەسەدى»، – دەيدى ورتالىقتىڭ كەلۋشىسى ولگا پەسكوۆا.

2020 جىلى Senim تاتۋلاستىرۋ ورتالىعى ءوز قىزمەتىن بەيبىتشىلىك كوشەسى، 14 مەكەن-جايىنداعى «جانۇيا» وتباسى ينستيتۋتىن دامىتۋ ورتالىعىندا جالعاستىرۋدا. بايلانىس: +7 7172 64 34 78، +7702 172 61 39، +7 771 996 09 27. Instagram: @center_senim.


سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

تالىمگەرلىككە ءازىر

رۋحانيات • بۇگىن، 07:21

كاسىپكەرلەر كومەككە كەلدى

قوعام • بۇگىن، 07:18

ۇقساس جاڭالىقتار