نۇر-سۇلتان قالالىق ساۋدا جانە قىزمەت كورسەتۋ سالاسى ءبولىمىنىڭ باسشىسى رۋسلان ىدىرىسوۆتىڭ ايتۋىنشا, باستى ەسكەرتۋلەر قىزمەتكەرلەر مەن كليەنتتەردىڭ ماسكا كيمەي جۇرۋىنە جانە سانيتايزەرلەردىڭ جەتكىلىكسىز بولۋىنا بايلانىستى جاسالادى.
«قاتەلىكتەر مەن سانيتارلىق شارا تالاپتارىن ورىنداي وتىرىپ, كاسىپكەر ءوز جۇمىسىن جالعاستىرا الادى. العاشىندا نۇسقاۋ بەرىلىپ, ەسكەرتۋ جازباشا تۇردە جاسالادى. تەكسەرىس بارىسىندا سەس جانە پوليتسيا دەپارتامەنتىنىڭ قىزمەتكەرلەرىنىڭ جۇمىستارى ايقىن كورىنەدى. ەگەر ەسكەرتۋلەر جويىلماسا, كاسىپ يەلەرى ايىپپۇل تولەۋگە مىندەتتى. شاعىن بيزنەس-100 اەك, ورتا بيزنەس - 200 اەك, ءىرى بيزنەس-300 اەك-تەن 500 اەك-گە دەيىنگى سوممادا ايىپپۇل تولەيدى», - دەدى ر.ىدىرىسوۆ.
ەستەرىڭىزگە سالا كەتەيىك, 21-26 مامىر ارالىعىندا 150-دەن استام كاسىپورىنعا مونيتورينگ جاسالدى. سانيتارلىق نورمالاردىڭ ساقتالماۋىنا بايلانىستى 12 نىسان: كافەلەر, مەيرامحانالار, بارلار, ازىق-ت ۇلىك دۇكەندەرى, سپا-سالوندار جانە ت.ب. جابىلدى. ال «برۋنو», «Roofork» سەكىلدى مەيرامحانالارعا ەرەجەلەر ورىندالماعانى ءۇشىن ايىپپۇل سالىندى.
