قوعام • 29 مامىر، 2020

باس كەلىسىم جوباسى: كاسىپوداقتار العاش رەت كۇش بىرىكتىرۋدە

25 رەت كورسەتىلدى

وسى جىلدىڭ ناۋرىز ايىندا كاسىپوداقتار فەدەراتسياسى قازاقستان رەسپۋبليكاسىنىڭ ۇكىمەتى، جۇمىسشىلاردىڭ رەسپۋبليكالىق بىرلەستىكتەرى جانە رەسپۋبليكالىق جۇمىس بەرۋشىلەر بىرلەستىكتەرى اراسىنداعى 2021-2023 جىلدارعا ارنالعان جاڭا باس كەلىسىمنىڭ جوباسىن قوعامدىق تالقىلاۋعا شىعاردى. قوعامدىق ساراپتاما جۇرگىزۋ ءۇشىن جوبا بارلىق باستاۋىش كاسىپوداق ۇيىمدارى مەن جەرگىلىكتى كاسىپوداقتارعا جىبەرىلدى.

كاسىپوداقتار فەدەراتسياسى بارلىق رەسپۋبليكالىق كاسىپوداقتار بىرلەستىكتەرىنە جۇمىسشىلاردىڭ ەڭبەك جانە ەكونوميكالىق قۇقىقتارىن، ەڭبەكاقى تولەۋ دەڭگەيىندەگى كەپىلدىكتەردى قورعاۋدى قامتاماسىز ەتۋگە باعىتتالعان نەگىزگى ۇستانىمداردى قولداۋدا بىرىڭعاي تاسىلدەردى بىرلەسە ازىرلەۋ تۋرالى باستاما كوتەردى.

ورتالىق كەڭسەدە 2021-2023 جىلدارعا ارنالعان قازاقستان رەسپۋبليكاسىنىڭ ۇكىمەتى، رەسپۋبليكالىق جۇمىسشىلار بىرلەستىكتەرى جانە رەسپۋبليكالىق جۇمىس بەرۋشىلەر بىرلەستىكتەرى اراسىنداعى باس كەلىسىمنىڭ جوباسىن دايىنداۋ بويىنشا رەسپۋبليكالىق كاسىپوداق بىرلەستىكتەرى وكىلدەرىنىڭ قاتىسۋىمەن جۇمىس توبىن قۇرۋ تۋرالى بىرلەسكەن شەشىمگە قول قويىلدى. قۇجاتقا كاسىپوداقتار فەدەراتسياسىنىڭ توراعاسى ساتىبالدى داۋلەتالين، «امانات» قازاقستاننىڭ كاسىپوداقتار ىنتىماقتاستىعى» كاسىپوداقتار رەسپۋبليكالىق قاۋىمداستىعىنىڭ توراعاسى اندرەي پريگور جانە قازاقستاننىڭ ەڭبەك كونفەدەراتسياسى باس حاتشىسىنىڭ ورىنباسارى باقىت كاپاروۆ قول قويدى.

كەزدەسۋدى اشقان س. داۋلەتالين قازاقستاننىڭ بارلىق كاسىپوداقتارىنىڭ رەسپۋبليكالىق بىرلەستىكتەرىنىڭ الدىندا ورتاق مىندەت تۇر. ول جۇمىسشىلاردىڭ قۇقىقتارىن قورعاۋ جانە ولاردىڭ مۇددەلەرىن الەۋمەتتىك ارىپتەستىكتىڭ  بارلىق دەڭگەيلەرىندە العا جىلجىتۋ دەپ اتاپ ءوتتى.

«بيىلعى  جىلدىڭ داعدارىس جاعدايىندا الەۋمەتتىك ارىپتەستىك جۇيەسىنىڭ ءرولى وبەكتيۆتى وسۋدە، ونىڭ اياسىندا داعدارىستىڭ سەبەپتەرى مەن اۋقىمى تالدانىپ، جاڭا جۇمىس ورىندارىن ساقتاۋ جانە قۇرۋ، الەۋمەتتىك جانە ەڭبەك سالاسىنداعى كەپىلدەمەلەر بەرۋ، ەكونوميكانىڭ ناقتى سەكتورىن مەملەكەتتىك قولداۋ شارالارىنىڭ تيىمدىلىگىن ارتتىرۋ جانە تۇراقتى ەكونوميكالىق ءوسۋ تراەكتورياسىنا  قايتارۋ بويىنشا ۇسىنىستار ازىرلەنۋى كەرەك. قازاقستان رەسپۋبليكاسى ۇكىمەتىنىڭ، جۇمىس بەرۋشىلەردىڭ رەسپۋبليكالىق بىرلەستىكتەرى جانە جۇمىسشىلاردىڭ رەسپۋبليكالىق بىرلەستىكتەرى اراسىنداعى باس كەلىسىم - الەۋمەتتىك ارىپتەستىكتىڭ بارلىق جۇيەسىنىڭ شىڭى جانە رەسپۋبليكالىق دەڭگەيدەگى نەگىز سالۋشى قۇجات بولىپ تابىلادى»، - دەدى كاسىپوداقتار فەدەراتسياسىنىڭ باسشىسى.

ساتىبالدى داۋلەتاليننىڭ ايتۋىنشا، باس كەلىسىم نورمالارىنىڭ  رەسميلىگى مەن كومەسكىلىگى، ءتۇرلى دەڭگەيدەگى كەلىسىمدەر مەن ۇجىمدىق شارتتار اراسىندا ءوزارا بايلانىستىڭ بولماۋى ءالى دە بار.

ء«بىز بۇل جاعدايدى وزگەرتۋىمىز قاجەت! ەكونوميكالىق ءوسۋ كەزىندە كوزگە ايقىن كورىنبەگەن جايت ەكونوميكانىڭ تومەندەۋى، جۇمىسشىلار تابىسىنىڭ ازايۋى كەزىندە مۇلدەم بولماۋى ءتيىس»، - دەپ اتاپ كورسەتتى كركف توراعاسى.

«امانات» قازاقستاننىڭ كاسىپوداقتار ىنتىماقتاستىعى» كاسىپوداقتار رەسپۋبليكالىق قاۋىمداستىعىنىڭ توراعاسى اندرەي پريگور باس كەلىسىم جوباسىن ازىرلەۋ ءۇشىن بىرىڭعاي جۇمىس توبىن قۇرۋدى تاريحي وقيعا دەپ اتادى.

«رەسپۋبليكالىق كاسىپوداق بىرلەستىكتەرى تۇڭعىش رەت جۇمىسشىلاردىڭ مۇددەلەرىن سەنىمدى تۇردە قورعاۋعا شەشىم  قابىلدادى. بۇل قازاقستاننىڭ كاسىپوداق قوزعالىسى تاريحىنداعى تاريحي وقيعا »، - دەدى اندرەي پريگور.

قازاقستاندىق ەڭبەك كونفەدەراتسياسى دا  باس كەلىسىمنىڭ جوباسىمەن جۇمىس ىستەۋگە كۇش بىرىكتىرۋدى قولدايدى. بۇل تۋرالى قازاقستان ەڭبەك كونفەدەراتسياسى باس حاتشىسىنىڭ ورىنباسارى باقىت قاپاروۆ مالىمدەدى.

«بىزدە ورتاق ماقساتتار بار جانە ولار ءبىزدى بىرىكتىرۋى كەرەك. قازاقستاندىق ەڭبەك كونفەدەراتسياسى باس كەلىسىمدە كورىنىس تاباتىن جۇمىسشىلاردىڭ قۇقىقتارىن قورعاۋدىڭ بىرىڭعاي تاسىلدەرىن ازىرلەۋ بويىنشا بىرلەسكەن ارەكەتتەردى تولىق قولدايدى »، - دەدى ءوز سوزىندە باقىت كاپاروۆ.

تاراپتار جۇمىس توبىنىڭ قۇرامىن بەكىتتى، ونىڭ قۇرامىنا ءار رەسپۋبليكالىق كاسىپوداقتار بىرلەستىگىنەن ءۇش وكىلدەن كىردى. قازاقستان ەڭبەك كونفەدەراتسياسىنىڭ باس حاتشىسىنىڭ ەكونوميكا جونىندەگى كەڭەسشىسى مەيرام قاجىكەن جۇمىس توبى مۇشەلەرىنىڭ كاسىبيلىگىن اتاپ ءوتتى.

«مەن قوزعالىستىڭ ءبىرتۇتاس مايدان رەتىندە باستالۋىن قولدايمىن. كاسىپوداقتار ءوزىنىڭ بەرىك ۇستانىمىن ءبىلدىرۋى ءتيىس. جۇمىس توبىنا وزىمىزگە تانىس، ءوز ءىسىنىڭ شەبەرلەرىنىڭ باسى بىرىكتىرىلدى. بارلىعى ەشبىر قايشىلىقسىز وتەدى»، - دەدى مەيرام قاجىكەن.

كەزدەسۋدى قورىتىندىلاي كەلە، كركف توراعاسى ساتىبالدى داۋلەتالين جاڭا باس كەلىسىمدى جاساۋ بۇرىن-سوڭدى بولماعان قيىن ەكونوميكالىق جاعدايدا ءجۇرىپ جاتقانىن  اتاپ ءوتتى. سوندىقتان الەۋمەتتىك سەرىكتەستىكتىڭ بارلىق تاراپتارى ءۇشىن جوباعا «ناقتى» نورمالاردى ەنگىزۋ وتە ماڭىزدى.

«جاڭا باس كەلىسىم بارلىق تاراپتاردىڭ: جۇمىس بەرۋشىلەردىڭ، كاسىپوداقتاردىڭ جانە ۇكىمەتتىڭ  مۇددەلەرىنىڭ تەپە-تەڭدىگىن قامتاماسىز ەتەتىن تىرەك  جانە سەنىمدى الەۋمەتتىك سەرىكتەستىكتىڭ ۇلگىسى بولادى دەپ ۇمىتتەنەمىن»، - دەپ قورىتىندىلادى ساتىبالدى داۋلەتالين.

ەستەرىڭىزگە سالا كەتەيىك، بيىل قازاقستان رەسپۋبليكاسىنىڭ ۇكىمەتى، جۇمىسشىلاردىڭ رەسپۋبليكالىق بىرلەستىكتەرى جانە رەسپۋبليكالىق جۇمىس بەرۋشىلەر بىرلەستىكتەرى اراسىنداعى 2018-2020 جىلدارعا ارنالعان قولدانىستاعى باس كەلىسىمنىڭ مەرزىمى  اياقتالادى، سوندىقتان كاسىپوداقتار فەدەراتسياسى ناۋرىز ايىنان باستاپ جاڭا باس كەلىسىمنىڭ جوباسى اياسىندا ءتيىستى جۇمىستاردى باستاپ كەتتى.

قازاقستاندا الەۋمەتتىك-ەڭبەك قاتىناستارى زاڭنامالىق نورمالاردان باسقا، باس كەلىسىمنىڭ نورمالارى مەن ەرەجەلەرىمەن، 22 سالالىق جانە 16 ايماقتىق كەلىسىمدەرمەن، 125 مىڭنان استام ۇجىمدىق شارتتارمەن رەتتەلەدى. ۇجىمدىق شارتتار قركف باستاۋىش كاسىپوداق ۇيىمدارى بار كاسىپورىنداردىڭ 98 پايىزىندا جاسالدى.

 

سوڭعى جاڭالىقتار

مۇحتار شاحانوۆ اۋىرىپ جاتىر

قازاقستان • بۇگىن، 11:56

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار