ايماقتار • 29 مامىر، 2020

وقۋشىلاردىڭ جازعى دەمالىسى قاۋىپسىز بولۋى كەرەك

34 رەت كورسەتىلدى

باتىس قازاقستان وبلىسى توتەنشە جاعدايلار دەپارتامەنتىنىڭ داعدارىس ورتالىعى جازعى دەمالىس كەزىندە بالالاردىڭ قاۋىپسىزدىگى تۋرالى بريفينگ وتكىزدى.

اق جايىق وڭىرىندە 100 مىڭنان استام وقۋشى جازعى كانيكۋلعا شىقتى. وقۋ جىلىنىڭ سوڭعى توقسانىن كارانتين جاعدايىندا وتكىزگەن بالالار جاز قىزىعىن، دەمالىستى ساعىنعانى انىق.

- جازعى ۋاقىت تابيعات اياسىندا كوپ قىدىرىپ، سۋعا تۇسۋىمەن قىزىقتى. دەگەنمەن قاۋىپتى دە ۇمىتۋعا بولمايدى. اسىرەسە بالالار لاگەرلەرىندە جانە اۋىلدا بالالار دەمالىسىن دۇرىس ۇيىمداستىرۋعا جەتە كوڭىل ءبولۋىمىز كەرەك. بيىل وبلىس اۋماعىندا مەكەتپ وقۋشىلارى دەمالىپ، ساۋىعۋى ءۇشىن 20 ۇيىمدى اشۋ جوسپارلانعان. ولاردىڭ ءبىرازى اشىق سۋ قويمالارىنىڭ جاعاسىندا ورنالاسقان. سوندىقتان، جازعى دەمالىس كەزىندە بالالاردىڭ قاۋىپسىزدىگىن قامتاماسىز ەتۋ – بارلىق مۇددەلى ورگاندارمەن قاتار ءبىزدىڭ توتەنشە جاعداي قىزمەتى ءۇشىن دە باستى مىندەت، - دەيدى باتىس قازاقستان وبلىستىق توتەنشە جاعدايلار دەپارتامەنتىنىڭ باستىعى گەنەرال-مايور جاسۇلان جۇماشەۆ.

جازعى دەمالىس ۋاقىتىندا دەپارتامەنت ماماندارى «قاۋىپسىزدىك مەكتەبى»، «جاس قۇتقارۋشى»، «جاس ءورت ءسوندىرۋشى»، «جاس ءجۇزۋشى»، ء«جۇزۋدى ۇيرەن» سەكىلدى تاقىرىپتىق ءىس-شارالار وتكىزۋدى جوسپارلاپتى.

وبلىستا اشىلماق 20 جازعى دەمالىس لاگەرىنىڭ التاۋى - سۋ قويمالارىنا جاقىن ورنالاسقان. 12 لاگەردىڭ اۋماعىندا مودۋلدىك-قاڭقالى باسسەيندەر ورناتىلعان. شومىلۋ كەزىندەگى بالالاردىڭ قاۋىپسىزدىگىن ارنايى نۇسقاۋشى-تالىمگەرلەر قامتاماسىز ەتەدى. بۇل تالىمگەرلەر دەپارتامەنتتىڭ جەدەل-قۇتقارۋ جاساعى بازاسىندا باستاپقى دايىندىق كۋرستارىنان ءوتۋى ءتيىس. ال لاگەرلەردى اشار الدىندا دەپارتامەنتتىڭ جەدەل-قۇتقارۋ جاساعىنىڭ سۇڭگۋىرلەرى بالالار جاراقات الىپ قالماۋى ءۇشىن سۋ قويمالارىنىڭ ءتۇبىن تەكسەرىپ شىعادى.

ءدال قازىر وڭىرلىك توتەنشە جاعداي دەپارتامەنتىندە وقىس وقيعانىڭ الدىن الۋ ءۇشىن 72 قۇتقارۋشى جۇمىس ىستەيدى. دەپارتامەنت باستىعىنىڭ ايتۋىنا قاراعاندا 21 ءجۇزۋ قۇرالى، 1 كاتەر دايىندالىپ، ىزدەستىرۋ-قۇتقارۋ جۇمىستارى مەن رەيدتىك ءىس-شارالاردى جۇرگىزۋ ءۇشىن 15 اۆتوكولىك ساتىپ الىنعان.

جيىن سوڭىندا توتەنشە جاعداي دەپارتامەنتى، وڭىرلىك ءبىلىم بەرۋ، دەنساۋلىق ساقتاۋ، ىشكى ساياسات، دەنە شىنىقتىرۋ جانە سپورت باسقارمالارى باسشىلارى ۇجىمدىق قاۋىپسىزدىك داعدىلارىن دامىتۋ ماسەلەلەرى بويىنشا مەموراندۋمعا قول قويدى. تابيعي رەسۋرستار جانە تابيعاتتى پايدالانۋدى رەتتەۋ باسقارماسىنا ورمانداردىڭ ورتكە قارسى جاي-كۇيىنە جانە بالالار لاگەرلەرىمەن جانە باسقا دا جازعى دەمالىس مەكەمەلەرىمەن شەكتەسەتىن ورمان القاپتارىندا ءورت قاۋىپسىزدىگى تالاپتارىنىڭ ساقتالۋىنا باقىلاۋدى كۇشەيتۋ تاپسىرىلدى. سونداي-اق بالالاردىڭ اتتراكتسيونداردا جاراقاتتانۋ وقيعالارىنىڭ الدىن الۋ ماسەلەسى تالقىلاندى.

 

باتىس قازاقستان

سوڭعى جاڭالىقتار

مۇحتار شاحانوۆ اۋىرىپ جاتىر

قازاقستان • بۇگىن، 11:56

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار