پاترۋلدەۋ باعىتتارى كريمينوگەندىك جاعدايدى, اسكەري بولىمدەردىڭ ورنالاسۋ ورىندارىن, اسكەري قىزمەتشىلەر مەن ولاردىڭ وتباسىلارى مەن ولار تۇراتىن اۋدانداردى, بازارلار, دۇكەندەر, ايالداما كەشەندەرى سياقتى ءجيى باراتىن قوعامدىق ورىنداردى جانە تاعى باسقا جاعدايلاردى ەسكەرە وتىرىپ ازىرلەندى.
شۇعىل جاعدايعا بايلانىستى «اۋىسپالى» كەستە بويىنشا پاترۋلدەۋ مارشرۋتتارىن اۋىستىرۋ دا جوسپارلانۋدا. مىسالى, الماتى گارنيزونىندا 12 پاترۋلدەۋ باعىتى ازىرلەندى. كۇن سايىن سەگىز باعىتتى قامتۋ, ال قالعان ءتورت باعىتتى باسقا مارشرۋتتاردان پاترۋلدەردى الىپ تاستاۋ ەسەبىنەن, سونداي-اق قوعامدىق ءتارتىپتىڭ بۇزىلۋى تۋرالى اقپاراتتىڭ تۇسۋىنە قاراي ۇيىمداستىرۋ جوسپارلانىپ وتىر.
ءاربىر پاترۋلدەۋ الدىندا اسكەري قىزمەتشىلەرمەن جانە اسكەري پوليتسيا قىزمەتكەرلەرىمەن نۇسقاۋلىق جۇرگىزىلەدى.
2019 جىلعى قازاننان باستاپ جارتى جىل ىشىندە اسكەري پوليتسيا ورگاندارىنىڭ قىزمەتكەرلەرى, قارۋلى كۇشتەر اسكەري بولىمدەرىنىڭ اسكەري قىزمەتشىلەرى ءىىم بولىمشەلەرىمەن بىرگە ەلىمىزدىڭ توعىز قالاسىندا, اتاپ ايتقاندا اقتاۋ, الماتى, اياگوز, گۆاردەيسك, قاپشاعاي, سارىوزەك, سەمەي, تالدىقورعان جانە وسكەمەن قالالارىندا بىرلەسىپ پاترۋلدەۋدى جۇزەگە اسىردى.
توتەنشە جاعداي رەجيمىن ەنگىزگەننەن كەيىن پاترۋلدەۋشى قالالاردىڭ سانى جيىرماعا دەيىن ارتتى.
اسكەري پاترۋلدەردىڭ تاجىريبەسى قوعامدىق ءتارتىپتى قامتاماسىز ەتۋگە باعىتتالعان. توتەنشە جاعداي رەجيمىن ەنگىزگەنگە دەيىن پاترۋلدەۋدىڭ كۇشىمەن 113 قۇقىق بۇزۋشىلىق انىقتالدى, 19 ناۋرىزدان باستاپ قوعامدىق ءتارتىپتى بۇزۋدىڭ 1225 فاكتىسى جانە 35 قىلمىستىق قۇقىق بۇزۋشىلىق تىركەلدى.
