قازاقستان • 28 مامىر، 2020

پرايمەريز – پارتيا ىشىندەگى باسەكەلەستىك

581 رەت كورسەتىلدى

مەملەكەتىمىزدە الەۋمەتتىك-ەكونوميكالىق جاڭعىرۋلارمەن قاتار، ەلىمىزدىڭ ساياسي ومىرىندە دە وڭ وزگەرىستەر بوي كورسەتىپ، جاڭا تەحنولوگيالار مەن تاسىلدەر اينالىمعا ەنۋدە. سولاردىڭ ءبىرى، باتىس ەلدەرىنىڭ سايلاۋ تاجىربيەسىندە جۇيەلى تۇردە قولدانىلىپ كەلە جاتقان پارتيالىق پرايمەريز ۇعىمى.

پرايمەريز – اقش ساياساتكەرلەرىنەن باستاۋ العان، پارتيا بەلسەندىلەرىن اشىق تاڭداۋ ءتاسىلى. قازاق تىلىندەگى ماعىناسى – ىرىكتەۋ دەگەن ۇعىمدى بىلدىرەدى. كەيدە «الدىن-الا سايلاۋ» نەمەسە «الدىن-الا داۋىس بەرۋ» دەپ تە اتايدى. ياعني، جاقتاستارىنىڭ اراسىندا الدىن-الا پارتياىشىلىك سايلاۋ وتكىزۋ ارقىلى، پارتيا اتىنان باستى الامانعا تۇسەتىن كوشباسشىلاردى ىرىكتەپ الۋ دەگەنگە سايادى. بۇل، ءبىر جاعىنان پارتيانىڭ ءوز ىشىندەگى مىقتىلارىن ىرىكتەۋگە مۇمكىندىك بەرسە، ەكىنشى جاعىنان پارتيامەن نيەتتەس، وزەكتى ماسەلەلەردى سويلەيتىن ۇزەڭگىلەس ازاماتتاردى پارتيا قاتارىنا تارتۋدىڭ بىردەن-ءبىر قۇرالى.

پرايمەريز تۋرالى ەلباسى، Nur Otan پارتياسىنىڭ توراعاسى ن.نازارباەۆ ۇستىمىزدەگى جىلى ناۋرىز ايىندا وتكەن پارتيانىڭ ساياسي كەڭەسى بيۋروسىنىڭ وتىرىسىندا «بۇل پارتيا اتىنان ماسەلەلەردى شەشەتىن ەڭ بەلسەندى جانە سەنىمدى مۇشەلەردى انىقتاۋعا مۇمكىندىك بەرەتىن دۇرىس شەشىم دەپ سانايمىن» دەگەن بولاتىن.

وسىلايشا حالىقارالىق تاجىربيەدە مويىندالعان پارتياىشىلىك ىرىكتەۋ ءتاسىلىن ەلىمىزدە العاشقىلاردىڭ ءبىرى بولىپ Nur Otan پارتياسى قولدانىسقا ەنگىزۋدە.

 پرايمەريز – جاڭا كوشباسشىلاردى ىرىكتەۋ مەن تارتۋدىڭ ارناسى

بۇگىندە پارتيا تاراپىنان حالىقپەن كەرى بايلانىس ارنالارىن ورناتۋعا ەرەكشە نازار اۋدارىلۋدا. پرايمەريز ءتاسىلى ارقىلى پارتيا جاڭا «الەۋمەتتىك ليفت» قالىپتاستىرماق ياعني، الداعى سايلاۋلارعا ۇسىنىلاتىن ادال، ىسكەر، ەل سەنەتىن تۇلعالاردى ىرىكتەپ الماق.

وسى ورايدا Nur Otan پارتياىشىلىك ىرىكتەۋدى اشىقتىق پەن جاريالىلىق قاعيدالارىنا ساي وتكىزۋدى جوسپارلاپ وتىر. ساياسي تەحنولوگيالىق ءتاسىلدىڭ دە باستى ماقساتى – نەگىزگى سايلاۋلارداعى پارتيا مۇشەلەرىنىڭ ىنتىماقتى داۋىس بەرۋلەرىنە قول جەتكىزۋ. ءبىر سوزبەن ايتقاندا، پرايمەريز دەگەنىمىز پارتيا ىشىندەگى ايتىس. پارتيانىڭ بارلىق دەڭگەيدەگى تۇلعالارى سايلاۋ ناۋقانى باستالعاندا ەل اراسىنا شىعىپ، قوعامدى دامىتۋعا ارنالعان باعدارلاماسىمەن تانىستىرىپ، اشىق پىكىرتالاسقا كوشپەك. وسىلايشا ۇمىتكەرلەردىڭ ساياسي ۇستانىمى مەن ۇسىناستارى ەل الدىندا اشىق، جاريالى تۇردە ساياسي پىكىرتالاستا انىقتالاتىن بولادى. سۋىرىلىپ شىققان مىقتىلار، ەلگە ءسوزى وتەتىن بەدەلدىلەر پارتيا اتىنان ۇمىتكەرلەر تىزىمىنە ءىلىنىپ، ودان ءارى ۇلكەن سايلاۋعا تۇسەدى.

وسىلايشا جاڭعىرۋ ارقىلى اشىقتىق پەن جاريالىلىققا باعىت العان ەلىمىزدىڭ ساياسي تاريحىندا مəسليحات پەن مəجىلىسكە دەپۋتاتتىققا ۇمىتكەرلەردى ىرىكتەۋ تۇڭعىش رەت پرايمەريز ءتاسىلى ارقىلى وتپەك. پارتيا باسشىلىعىنىڭ جوسپارى بويىنشا پرايمەريز ناتيجەسىندە كىم كوپ داۋىس الادى، سول اۋداندىق، وبلىستىق ءماسليحات پەن ماجىلىسكە دەپۋتات اتانۋ قۇقىعىن يەلەنبەك. ارينە، بۇل العىشارتتاردىڭ سىرتىندا، ۇمىتكەرلەر اڭگىمەلەسۋ، تەست تاپسىرۋ، بيۋرودا قاراۋ سىندى تالاپتاردان دا ءوتۋى ءتيىس. مۇنداي اشىقتىق پارتيا قاتارىن شىنايى حالىقشىل ازاماتتارمەن تولىقتىرۋعا جانە ەلىمىزدىڭ قوعامدىق-ساياسي ومىرىنە تىڭ سەرپىلىس اكەلەتىن جاڭا كوزقاراستى ساياساتكەرلەردىڭ پايدا بولۋىنا تولىق مۇمكىندىك تۋعىزباق. ال، تولىقتاي الساق، وزگەرمەلى احۋال جاعدايىندا جاڭا ساياسي مادەنيەتتىڭ پىشىندەرى مەن ىرگەتاسىنىڭ قالىپتاسۋىنا سەپتىگىن تيگىزبەك.

 

الداعى سايلاۋداعى Nur Otan پارتياسىنىڭ جاڭا الەۋەتى مەن كوكجيەكتەرى

الداعى سايلاۋ بۇرىنعى سايلاۋدان وزگەشە بولماق. جەر جاھاندى جايلاعان توتەنشە جاعداي مەملەكەتتەردىڭ قوعامدىق-ساياسي ومىرىنە كۇتپەگەن وزگەرىستەر الىپ كەلدى. بۇل ورايدا، باسقا پارتيالار مەن قوعامدىق ينستيتۋتتارعا قاراعاندا Nur Otan پارتياسى حالىقتىڭ الەۋمەتتىك حال-جاعدايىن قولداۋدا ۇتىمدى باستامالار ۇسىنعانىن ايتا كەتسەك ارتىق بولماس. ەلباسىنىڭ باستاماسىمەن قۇرىلعان «Birgemiz» قوعامدىق قورى اياسىندا قوماقتى قاراجات جينالىپ، الەۋمەتتىك ءالسىز توپتار مەن مەديتسينا قىزمەتكەرلەرىنە كولەمدى كومەك كورسەتىلدى. بۇل جەتەكشى پارتيا تاراپىنان حالىقتىڭ ءال-اۋقاتىن باعامدايتىن تۇراقتى مونيتورينگ جاسالىنىپ وتىرعاندىعىن كورسەتەدى.

ازاماتتاردىڭ دەنساۋلىعى مەن قاۋىپسىزدىگى ارقاشان دا ءبىرىنشى ورىندا بولۋى كەرەك. سول سەبەپتى پاندەميا جاعدايىندا جاڭا تەحنولوگيالار سايلاۋ پروتسەستەرىندە دە ورىن الماق. بۇل ورايدا دا Nur Otan پارتياسى پرايمەريزدى ونلاين وتكىزۋدى ۋاقىتىلى ويلاستىرىپ، ىرىكتەۋدىڭ ءادىل وتۋىنە جاعداي جاساۋ ماقساتىندا زامان تالابىنا ساي سوڭعى تەحنولوگيالارعا ءۇمىت ارتاتىن بولادى.

سونداي-اق الدا بولاتىن سايلاۋدىڭ تاعى ءبىر ەرەكشەلىگى، جۋىردا قابىلدانعان جاڭا زاڭعا سايكەس سايلاۋعا تۇسەتىن ۇمىتكەرلەر اراسىندا جاستار مەن ايەلدەر كۆوتاسىنىڭ ساقتالۋىن قاراستىرۋ. ياعني، پارتيا تىزىمىمەن تۇسەتىن كانديداتتار اراسىندا ايەلدەر مەن جاستاردىڭ ۇلەسى 30% بولۋى شارت. بۇل، كەلەشەكتە دەپۋتاتتار اراسىنان زاماناۋي كرەاتيۆتى جاستار مەن الەۋمەتتىك-تۇرمىستىق ماسەلەلەردى كوتەرەتىن ايەلدەردىڭ كوپتەپ كورەتىندىگىمىزدىڭ كەپىلى.

قورىتا ايتقاندا، پرايمەريز ءتاسىلى نەگىزىندە پارتيانىڭ جاڭا تۇلعالارى مەن كوشباسشىلارىن ىرىكتەۋ قالىپتاسقان «ويىن ءتارتىبىن» وزگەرتىپ، ساياسي دوداعا قاتىساتىن تاراپتاردىڭ قىزۋ تالاسىن جاڭا ساتىعا كوتەرمەك. سونداي-اق بولاشاقتا ەلىمىزدەگى پارتيالار ىشىندەگى ماسليحاتقا جانە ماجىلىسكە ۇمىتكەرلەردى ىرىكتەۋ سايكەسىنشە وبلىستىق جانە رەسپۋبليكالىق تەلەارنالاردان تىكەلەي ەفيردە وتكىزىلسە جانە ونلاين داۋىس بەرۋ جۇيەسىن قامتىسا پرايمەريز ءتاسىلىنىڭ دە تيىمدىلىگى ارتار ەدى.

 

داۋرەن بازاروۆ،

PhD

سوڭعى جاڭالىقتار

پنەۆمونيانى قالاي انىقتايمىز؟

كوروناۆيرۋس • بۇگىن، 08:17

اقىل-پاراساتقا جۇگىنەيىك

رۋحانيات • بۇگىن، 07:54

بۇل – مىلتىقسىز مايدان

پىكىر • بۇگىن، 07:51

كاسىبىنە ادال ازامات

ساياسات • بۇگىن، 07:34

جۇمىس بەرۋشىنىڭ كىناسى كوپ

قوعام • بۇگىن، 07:30

تىل ارداگەرلەرى وزگەرىس كۇتەدى

رۋحانيات • بۇگىن، 07:26

ءار ازاماتتىڭ ءومىرى قىمبات

پىكىر • بۇگىن، 07:25

تەرمە تەرەڭدىككە باۋليدى

رۋحانيات • بۇگىن، 07:23

GGG جوسپاردا جوق

كاسىپقوي بوكس • بۇگىن، 07:15

ءار قازاق – قازاقستان قازىناسى!

رۋحانيات • بۇگىن، 07:15

ىشكى تۋريزمگە يەك ارتاتىن كەز

تۋريزم • بۇگىن، 07:10

ۇزدىك اتاندى

وقيعا • بۇگىن، 07:08

ەڭسەنى تۇسىرمەيىك

پىكىر • بۇگىن، 07:03

باقىتتى كۇندەر كۇتسىنشى...

پىكىر • بۇگىن، 07:02

سىر قامىسىنا سىرتتان سۇرانىس بار

ەكونوميكا • بۇگىن، 07:00

كىم قانشا تابىس تاپتى؟

سپورت • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

بۇل سىناقتى دا ەڭسەرەمىز

پرەزيدەنت • بۇگىن، 06:36

الاش ازا تۇتقان كۇن

ساياسات • بۇگىن، 06:35

جانقيارلىق ەڭبەككە قۇرمەت

ساياسات • بۇگىن، 06:29

NASA مارسكا قامداندى

تەحنولوگيا • كەشە

ۇقساس جاڭالىقتار