رۋحانيات • 28 مامىر، 2020

جۇرەككە سالعان جارالار وشپەيدى

62 رەت كورسەتىلدى

قۋعىن-سۇرگىننىڭ قاسىرەتى حالقىمىزدىڭ جۇرەگىندە ماڭگى وشپەيتىن شەر بولىپ بايلانعان. جازىقسىز جاپا شەككەندەردىڭ بالالارى دا، نەمەرەلەرى مەن شوبەرەلەرى دە اتا-اجەلەرىنىڭ ءىسىن كورۋدى، زەرتتەۋدى جالعاستىرۋدا. سولاردىڭ سۇراۋىمەن سقو پوليتسيا دەپارتامەنتىنىڭ ءارحيۆى 10 ءىستى تاپقان ەكەن، جۋىردا سولار ۇرپاقتارىنا كورۋگە ۇسىنىلدى.

اناسى «وتانىن ساتقان» ادامنىڭ ايەلى رەتىندە قۋعىنعا ۇشىراعان ءىستىڭ كوشىرمەسىن قازىر سولتۇستىك قازاقستان ۋنيۆەرسيتەتىندە وقىتۋشى بولىپ ىستەيتىن باقىت بەگەنوۆا نۇر-سۇلتان قالاسىنداعى ۇلتتىق مۋزەيگە تاپسىرعان ەكەن، ال كەشە سونىڭ تۇپنۇسقاسى كورەرمەندەر نازارىنا ۇسىنىلدى. بويىنان سول كۇندەردىڭ سۋىعى ەسىپ، نكۆد-نىڭ توپاس مىنەزدەرى، ادامگەرشىلىكتەن جۇرداي قىلىقتارى كورىنىس بەرەتىن بۇل قۇجات ۇرپاقتارىنىڭ كوزدەرىنە جاس ءۇيىردى.

باقىت بەگەنوۆانىڭ اناسى ءمۇسليما ءىلياسوۆا باستاۋىش سىنىپتاردىڭ مۇعالىمى بولعان ەكەن. ونىڭ العاشقى جۇبايى ءاناس ءىلياسوۆ قىزىلجارداعى پەدتەحنيكۋمنىڭ ديرەكتورى بولىپ جۇرگەندە 1937 جىلدىڭ جەلتوقسان ايىندا «حالىق جاۋى» دەگەن جالامەن سوتتالىپ، اتىلىپ كەتەدى. ال ءمۇسليمانىڭ ءوزىن 1938 جىلدىڭ 9 ناۋرىزىندا ۇيىنە كەلىپ تۇتقىنداپ، «ۇشتىكتىڭ» شەشىمىمەن 10 جىلعا الجير-گە ايداپ جىبەرەدى. تۇرمەدەن ءمۇسليما تەك 1949 جىلى بوسانىپ، قىزىلجارعا كەلەدى. وسىندا ول ەكىنشى رەت ەستەكەن بەگەنوۆ دەگەن كىسىگە تۇرمىسقا شىعادى.  باقىت بەگەنوۆا سول كىسىدەن تۋعان قىزى ەكەن. «انام باستان كەشكەن وقيعالارىن تەك ءبىر-اق رەت ايتقان ەدى. ىشىندە قانشا كەك تۇرسا دا ول ستالين مەن ونىڭ قاندى بيلىگىنە دەگەن وشپەندىلىگىن سەزدىرگەن ەمەس. جۇرتتىڭ ءبارى ونىڭ ۇنەمى جىلى جۇزبەن تۇراتىن جارقىن بەينەسىن ەسىنە ساقتاعان. مەن انام قايتىس بولعان سوڭ ءبىراز جىلدار وتكەندە عانا ونىڭ ەسكى قاعازدارىنىڭ اراسىنان العاشقى كۇيەۋىن اقتاۋ تۋرالى وكىمەتكە جازعان ارىز-شاعىمدارىن تاپتىم»، دەيدى باقىت بەگەنوۆا.  

اقىرى جازىقسىز جاپا شەككەن ءاناس ءىلياسوۆ 1957 جىلى تولىق اقتالعان ەكەن. ءمۇسليمانىڭ ءوزى دە ءبىر جىلدان كەيىن اقتالادى. مىنە، بۇل كوپ جاپا شەككەندەردىڭ ءبىرىنىڭ عانا تاعدىرى. ارناۋلى ارحيۆ وسىنداي 10 ءىستى ۇسىنىپ وتىر.

قىزىلجار

سوڭعى جاڭالىقتار

تىل ارداگەرلەرى وزگەرىس كۇتەدى

رۋحانيات • بۇگىن، 07:26

تەرمە تەرەڭدىككە باۋليدى

رۋحانيات • بۇگىن، 07:23

GGG جوسپاردا جوق

كاسىپقوي بوكس • بۇگىن، 07:15

ىشكى تۋريزمگە يەك ارتاتىن كەز

تۋريزم • بۇگىن، 07:10

ۇزدىك اتاندى

وقيعا • بۇگىن، 07:08

سىر قامىسىنا سىرتتان سۇرانىس بار

ەكونوميكا • بۇگىن، 07:00

كىم قانشا تابىس تاپتى؟

سپورت • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

الاش ازا تۇتقان كۇن

ساياسات • بۇگىن، 06:35

NASA مارسكا قامداندى

تەحنولوگيا • كەشە

ۇقساس جاڭالىقتار