ايماقتار • 28 مامىر، 2020

تيمۋر ق ۇلىباەۆ: سانيتارلىق نورمالاردى ۇستانعاندارعا جۇمىس ىستەۋگە مۇمكىندىك بەرۋ كەرەك

18 رەت كورسەتىلدى

«اتامەكەن» ۇكپ باسشىسى تيمۋر ق ۇلىباەۆ الماتى قالاسىندا توتەنشە جاعداي سالدارىن، اعىمداعى وزەكتى ماسەلەلەردى تالقىلاۋ، بيزنەستى قولداۋ ءۇشىن مەملەكەت تاراپىنان قانداي قولداۋ قۇرالدارى قاجەتتىگىن انىقتاۋ ماقساتىندا ءوڭىردىڭ  بيزنەس-قوعامداستىعىمەن ونلاين كەزدەسۋ وتكىزدى.

«الماتى – ەلىمىزدىڭ ەڭ ءىرى وڭىرلەرىنىڭ ءبىرى. قازاقستان بيزنەسىنىڭ جارتىسى وسى وڭىردە شوعىرلانعان. ۇلتتىق پالاتا بۇكىل ەل اۋقىمىندا بيزنەستە تۋىندايتىن بارلىق ماسەلەنى ءجىتى قاداعالايتىن بولادى. ءبىز ارىپتەستەرىمىزبەن وسىنداي كەزدەسۋلەردى اي سايىنعى نەگىزدە جۇرگىزەمىز دەپ كەلىستىك. وسى ماسەلەلەر لەگىن ۇلتتىق پالاتا رەتىندە ۇكىمەتپەن تالقىلايتىن بولامىز، بىرلەسىپ، داعدارىستان شىعۋ جولدارىن بيزنەسكە ۇسىنامىز»، – دەدى تيمۋر ق ۇلىباەۆ.

ءوڭىردىڭ ەكونوميكالىق احۋالى جايىندا الماتى قالاسى وكپ ديرەكتورى ناريمان ابىلشايىقوۆ باياندادى.

سپيكەردىڭ ايتۋىنشا، تج كەزەڭىندە الماتى قالاسى كاسىپكەرلەر پالاتاسى جەدەل جەلى رەجيمىندە جۇمىس ىستەدى. 2020 جىلدىڭ 16 ناۋرىزىنان باستاپ 11 مامىر ارالىعىندا كاسىپكەرلەردەن 42 618 ءوتىنىم كەلىپ تۇسكەن، سونىڭ ىشىندە 35 201 ءوتىنىم – كولل-ورتالىق، 5 344 ءوتىنىم – شتاب مۇشەلەرىنىڭ ءموبيلدى تەلەفوندارىنا، 1 789 ءوتىنىم – ەلەكتروندى جانە جازباشا تۇردە، 284 ءوتىنىم – الەۋمەتتىك جەلىلەر ارقىلى كەلىپ تۇسكەن.

«الماتىدا قىزمەت كورسەتۋ سالاسى ەداۋىر زارداپ شەكتى. قالادا مەملەكەتتىك سەكتور جانە دەنساۋلىق ساقتاۋ سالاسىنان باسقا قىزمەتتەر ءوندىرىسى سەكتورىندا بۇكىل جۇمىس كۇشىنىڭ 74%-ى جۇمىس ىستەيدى. اتالعان سالانىڭ اۋىر احۋالىن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرى دالەلە بولا الادى. ۆەدومستۆوعا الەۋمەتتىك تولەم الۋعا 898 136 ادام (سالادا جۇمىس ىستەيتىندەردىڭ 90%-ى) ءوتىنىم بەرگەن، سونىڭ ىشىندە 447 363 ادام تولەم العان»، – دەدى وڭىرلىك پالاتا ديرەكتورى.

وڭىردە ەكونوميكالىق قىزمەت كورسەتۋ كەسكىنىندە ساۋدا سالاسىنىڭ ۇلەسى باسىم.  2019 جىلدىڭ قاڭتار-قىركۇيەگىندە ساۋدا سالاسى بويىنشا ناقتى كولەم يندەكسى 103،4%-دى قۇرادى. 

«بيىلعى جاعدايدا جۇمىستان قىسقارعان نەمەسە مەرزىمسىز دەمالىسقا جىبەرىلگەن جۇمىسكەرلەردىڭ باسىم بولىگى ساۋدا سالاسىندا تىركەلگەن – 8705 ادام، ونەركاسىپتە – 5130 ادام، ورنالاستىرۋ جانە تاماقتاندىرۋ بويىنشا قىزمەت سالاسى – 1768 جانە دەنساۋلىق ساقتاۋ سالاسىندا – 1282 ادام»، – دەدى ول.

ناريمان ابىلشايىقوۆ ساۋدا جانە ويىن-ساۋىق ورتالىقتارىنا سياقتى بازارلارعا جۇمىس ىستەۋگە رۇقسات بەرۋدى، جابىق الاڭعا قاراعاندا اشىق بازار الاڭدارىندا سانيتارلىق نورمالاردى ۇستانۋ قولايلىراق ەكەنىن العا تارتىپ، وسى سەكتورداعى كاسىپكەرلەرگە جۇمىس ىستەۋگە رۇقسات بەرۋدى قايتا قارۋدى سۇرادى.

ساۋدا سالاسىنىڭ احۋالى جايىندا جيىن بارىسىندا «تيگروحاۋد فيرماسى» جشس امبەباپ بازارىنىڭ ديرەكتورى جانار قۇراباەۆا جالعا الۋشىلاردىڭ قارجىلىق اينالىمى ماۋسىمدىق تاۋارلارعا سالىنىپ، سالاعا كەپىلزاتسىز جەڭىلدىكپەن نەسيە رەتىندە كومەك كورسەتۋدى سۇرادى. مۇنداي شارا ارقىلى جۇمىس ورىندارىن ساقتاپ قالۋعا بولادى دەپ سانايدى سپيكەر

«الماتىداعى 52 بازار ىشىندە تج كەزەڭىندە نەبارى 12 بازار جۇمىس ىستەدى. بازارلاردىڭ جۇكتەلۋىنە قاراي بازارلاردا 32 مىڭ جالعا الۋشى جۇمىس ىستەسە، تج كەزەڭىندە نەبارى 13% نەمەسە 4 مىڭعا جۋىق ادام جۇمىس ىستەپ، تابىس تابۋعا مۇمكىندىك الدى. ال جالعا الۋشىلار ءۇشىن بازارلاردا جۇمىس ىستەۋ تابىس تابۋىڭ جالعىز كوزى. بازارلارداعى سيتۋاتسيا وتە اۋىر»، – دەدى سپيكەر.

جوسپار بويىنشا 1 ماۋسىمعا قاراي وڭىردەگى ەپيدەميولوگيالىق احۋالدى ەسەپكە الا وتىرىپ، بازارلاردىڭ اشىلۋى شەشىلەدى.

«ەگەر ادامدار سانيتارلىق نورمالاردى ۇستانىپ، قورعانۋ شارالارىن بۇزباسا، وندا ءبىز وسى ادامدارعا، اسىرەسە وبلىستان قالادا قاتىنايتىندارعا جۇمىس ىستەۋگە مۇمكىندىك بەرۋىمىز كەرەك. قازىر ادامدار قالاعا وتە الماي جاتىر.  ەگەر وبلىستاعى ادامدار جۇمىس ىستەۋگە كەلسە ەپيدەميلوگيالىق احۋال نەگە ناشارلاپ كەتەتىنىن تۇسىنبەيمىن. بۇل ماسەلە دە شەشىلەدى دەگەن ويدامىن»، – دەدى تيمۋر ق ۇلىباەۆ.

قىزمەت سالاسىنىڭ وكىلدەرى قولداۋ شارالارى رەتىندە جەڭىلدىكپەن نەسيە ءبولۋ، بانك الدىنداعى نەسيەلەر مەن سالىقتىق تولەمدەر، كوممۋنالدىق تولەمدەر بويىنشا شەگەرىم سۇرايدى.

«قوعامدىق تاماقتانۋ سالاسىندا 24 جىل بويى جۇمىس ىستەيمىز. كارانتينگە دەيىن كۇنىنە شامامەن 30 مىڭ ادامدى تاماقتاندىرىپ وتىردىق. كومپانيادا 2 مىڭعا جۋىق جۇمىس ورنى بار، ولاردىڭ 95%-ى ايەلدەر. جۇمىسقا 25 مامىر كۇنى كىرىستىك، سوندىقتان 1 شىلدەگە قاراي سالىق تولەي المايمىز. وسىعان بايلانىستى بىزگە تاعى 3-5 اي تولەمدەردى شەگەرۋگە ۋاقىت بەرىلەۋىن سۇرايمىز»، – دەدى «قاعانات» اسحانالار جەلىسىنىڭ ديرەكتورى شىنار بوگەنباەۆا.

ۇكپ باسشىسى ەل اۋقىمىندا تولەمدەردى ورىنداماۋدىڭ تىزبەكتى رەاكتسياسى ءجۇرىپ جاتقانىن، قازىر ەكونوميكاعا قاراجات سالۋ كەرەك ەكەنىن ايتتى.

ء«بىرىنشى كەزەكتە ساۋدا، قىزمەت كورسەتۋ سالاسىنا، ويتكەنى بۇل سەكتورعا قارجى اينالىمى قاجەت. كەپىلزاتسىز نەسيە بەرۋ قۇرالى قارالۋدا. ونىڭ قولدانۋ اياسىن، جانە قانداي كولەمدە قولدانۋى كەرەك ەكەنىن قارايتىن بولامىز»، – دەدى تيمۋر ق ۇلىباەۆ.

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار