ءبىز بۇگىن پەداگوگتارعا ارنالعان تەستىلەۋدىڭ ونلاين رەجىمدە وتەتىنىن جازدىق. ال تەستىلەۋدەن بۇرىنعىداي تەك مەكتەپ مۇعالىمدەرى عانا ەمەس, كوللەدج بەن بالاباقشا پەداگوگتارى دا وتە الادى.
ويتكەنى مينيستر جاقىندا:
«پەداگوگ مارتەبەسى تۋرالى» زاڭ اياسىندا بيىلعى قىركۇيەك ايىنان باستاپ ارىپتەستەرىمىزگە ۇستەمەاقى الۋ مۇمكىندىگى تۋىپ وتىر. ول ءۇشىن جاز ايىندا تەستىلەۋدى, جالپى اتتەستاتتاۋ ءراسىمىن وتكىزىپ الۋىمىز كەرەك. بولجام بويىنشا 100 مىڭداعان ارىپتەسىمىز وسى تەستىلەۋگە قاتىسادى دەپ وتىرمىز. ارينە, بىرەۋى وتەدى, بىرەۋى وتە المايدى. قالاي دەسەك تە, ءبىز ونداي مۇمكىندىكتى بەرۋىمىز كەرەك. قىركۇيەكتەن باستاپ اتتەستاتتاۋدان وتكەن ارىپتەستەرىمىز ۇستەمەاقى الۋى ءتيىس», دەگەن ەدى.
ءيا, پەداگوگتار جالاقىسىنا قوسىمشا 50 پايىزعا دەيىنگى ۇستەمەاقى الۋ ءۇشىن ۇلتتىق بىلىكتىلىك تەستىلەۋدەن كەرەك.
ەسكە سالا كەتەرلىگى, تەستىلەۋدى تەك ۇستازدار عانا ەمەس, سونىمەن قاتار ءبىلىم بەرۋ ورتالىقتارىنىڭ قىزمەتكەرلەرى دە تاپسىرا الادى. ياعني ۇلتتىق بىلىكتىلىك تەستىلەۋ مەكتەپتەردەگى مۇعالىمدەردىڭ عانا ەمەس, ادىسكەرلەردىڭ, مەكتەپكە دەيىنگى, قوسىمشا ءبىلىم بەرۋ ۇيىمداردىڭ, تجكب وقىتۋشىلارىنىڭ جانە ءبىلىم بەرۋ ۇيىمدارى باسشىلارىنىڭ دا جالاقىسىن كوتەرۋگە مۇمكىندىك بەرەدى.
