پەداگوگتاردىڭ ۇلتتىق بىلىكتىلىك تەستىلەۋگە وتىنىشتەر قابىلداۋ 21 مامىردان باستالدى. ەندى ءبىلىم بەرۋ سالاسىنىڭ قىزمەتكەرلەرى بىردە-ءبىر قۇجاتتى جيناماي, ويعا العانىن ەشكىممەن كەلىسپەي, ءوتىنىشتى ونلاين تۇردە بەرە الادى. سونداي-اق ۇستازدار وزدەرىنە ىڭعايلى ورىندى, كۇندى جانە تەستىلەۋ ۋاقىتىن تاڭداي الادى.
ەندى اتتەستاتسيادان جينالعان بالعا قاراي وتۋگە بولادى (ەگەر شەبەرگە بالل جيناي الماساڭىز, دەمەك زەرتتەۋشى بولۋعا ابدەن مۇمكىندىك بار). ەگەر ناتيجە قاناعاتتاندىرىلماسا, تەستتى قايتا تاپسىرا الادى.
«وكىنىشكە قاراي, كارانتينگە بايلانىستى ءبىز اۋديتورياداعى ادامدار سانىن ازايتۋعا ءماجبۇر بولدىق, سوندىقتان باستاپقى كەزدە بارىنە ورىندار جەتە بەرمەيدى, بىراق تەست 3 اي بويى وتكىزىلەدى جانە ايماقتاعى شەكتەۋلەر شەشىلگەننەن كەيىن اۋديتورياداعى ورىندار سانىن كوبەيتەمىز. تەست تاپسىرۋعا بارلىعى ۇلگەرەدى. اتالمىش ەمتيحان 2019 جىلعى قازان ايىندا بعم مەن Ustudy كومپانياسى اراسىندا جاسالعان مەملەكەتتىك-جەكە سەرىكتەستىك شارتى نەگىزىندە وتكىزىلەتىنىن جانە تەستىلەۋدى بۇدان دا ءادىل ەتە وتىرا, 135 ملن. تەڭگەگە جۋىق قاراجاتتى بيۋدجەتكە قايتارۋعا مۇمكىندىك بەرەتىنىن اتاپ وتكىم كەلەدى», دەدى د.سماعۇلوۆ.
