ۆيرۋستى جۇقتىرعان 1988 جىلى تۋعان ەر ادام. 27 مامىر كۇنى ومبى قالاسىنان م. جۇماباەۆ اۋدانىنىڭ «قاراقوعا» بەكەتىنە كەلگەن. جۇك تاسىمالداۋشى بولىپ جۇمىس ىستەيدى. ونىمەن بايلانىستا بولعان ادامدار انىقتالىپ جاتىر.
ەكىنشى ادام 1979 جىلى تۋعان ەر ادام, 27 مامىردا مامليۋت اۋدانىنىڭ «جاڭاجول» بەكەتىنە رف ەكاتەرينبۋرگ قالاسىنان كەلدى, دانەكەرلەۋشى بولىپ جۇمىس ىستەيدى.
كەلگەن سوڭ COVID-19-عا تەكسەرىلىپ, مامليۋتكا قالاسىنىڭ كارانتيندىك ستاتسيونارىنا ورنالاستىرىلدى.
زەرتحانالىق زەرتتەۋ ۆيرۋستى جۇقتىرعانىن كورسەتكەن سوڭ ء«بىرىنشى قالالىق اۋرۋحانا» شجق كمك جۇقپالى اۋرۋلار بولىمىنە جاتقىزىلدى. كلينيكالىق بەلگىلەرى جوق, دەنساۋلىققا شاعىمى جوق. بەكىتىلگەن حاتتاماعا سايكەس ەمدەلىپ جاتىر.
ونىمەن جاقىن قارىم-قاتىناستا بولعان 1 ادام انىقتالدى. قازىرگى ۋاقىتتا ناتيجە العانعا دەيىن ول ادام كارانتيندىك ستاتسيوناردا بولادى. ەپيدەميولوگيالىق تەكسەرۋ قولعا الىنعان.
وتكەن تاۋلىكتەگى جاعداي بويىنشا سقو اۋماعىندا COVID-19 ۆيرۋسىن جۇقتىرعان 51 ادام تىركەلگەن.
