قازىر جەرگىلىكتى «قازالى جولشى» جشس جۇمىسشىلارى جانقوجا باتىر كوشەسىن جوندەۋگە كىرىستى. ول ءۇشىن اۋداندىق بيۋدجەتتەن 102,2 ملن تەڭگە قارجى بولىنگەن. جولشىلار وسى كۇنى كوشەنىڭ بۇزىلعان ۋچاسكەلەرىندەگى اسفالت قاباتىن قىرىپ جاتىر. مۇنان سوڭ قيىرشىق تاس پەن گراۆيلى قۇم قوسپاسى ارالاسقان ماتەريال توسەپ, 2 قاباتتى اسفالت سالۋدى باستايدى.
اۋداندا جول جوندەۋ ماسەلەسى كۇن تارتىبىنەن تۇسكەن ەمەس. ماسەلەن وتكەن جىلى ايتەكە بي كەنتىندە ءجالاڭتوس باتىر, س.سۇلەيمەنوۆ, جەتەس بي, ماعزامان اۋليە جانە ج.ايماۋىتوۆ سياقتى 5 كوشە جوندەۋدەن ءوتتى.
