«ەلوردانىڭ ءوسۋ قارقىنى مەن قالاداعى حالىق سانىنىڭ ارتۋىن ەسكەرە وتىرىپ, ينفراقۇرىلىمدى دامىتۋ, قاجەتتى نىسانداردى سالۋ بويىنشا جۇمىستار اتقارىلىپ جاتىر. قۇرىلىسقا جەكە ينۆەستورلاردى دا تارتامىز. ينۆەستورلارعا ەل باسشىلىعىنىڭ تاپسىرماسىنا سايكەس قولايلى جاعداي جاساپ, ينۆەستكليماتتى جاقسارتۋ ءۇشىن جۇمىس ىستەيمىز», - دەدى قالا اكىمى التاي كولگىنوۆ.
كەڭەستە جەكە ەمحانالار, فيبروتسەمەنتتىك پليتالار شىعاراتىن زاۋىتتار, تاراتۋ ورتالىعى (فارمپرەپاراتتار ءۇشىن), ءبىلىم بەرۋ مەكەمەلەرى مەن ت. ب. قۇرىلىس جوبالارى قولداۋ تاپتى.
«سونىمەن بىرگە جوبالارى قولداۋ تاپقان 40 ينۆەستورمەن ونلاين-كەڭەس وتكىزدىك. قولداۋ كورسەتىلگەن جوبالاردىڭ قازىرگى احۋالىن, قانداي كومەك قاجەت ەكەنىن انىقتادىق. ينۆەستورلارعا قاجەت كومەكتى كورسەتەمىز. قالا مەن تۇرعىندار قاجەت ەتەتىن جوبالاردى قولدايمىز», - دەدى قالا اكىمى.
