حات اعىلشىن اسكەرلەرى اۋىر سوققىعا ۇشىراپ نەمىستەرگە توتەپ بەرە الماي ديۋنكەركتەن شەگىنىپ بارا جاتقان تۇستا جازىلىپتى. بىراق حات دىتتەگەن جەرىنە جەتپەي اپاق-ساپاقتا دالاعا ءتۇسىپ قالعان.
«مەن ءۇشىن ۋايىمداماڭىز. باسقا تۇسكەن قيىندىقتى قالايدا ەڭسەرۋگە تىرىسام» دەپ جازعان كوۋلدى ارادا ءۇش كۇن وتكەندە نەمىس مەرگەنى اتىپ قۇلاتقان.
ال ءتۇسىپ قالعان حاتتى تاۋىپ العان نەمىس وفيتسەرى ۇزاق جىل ساقتاپ, 1968 جىلى ۇلىبريتانياداعى «ساففولك» قايىرىمدىلىق كەڭەسىنە جولداعان ەكەن. حات وسى قوردىڭ ارحيۆىندە تاپجىلماي جاتىپ قالعان.
جاقىندا قايىرىمدىلىق كەڭەستىڭ ارحيۆ قىزمەتكەرى حايدي حيۋگس (Heidi Hughes) حاتتى تاۋىپ الىپ, وندا كورسەتىلگەن مەكەن-جاي ءوزىنىڭ تۋعان اۋىلى ەكەنىن بايقاپ قالادى. سونىمەن قاتار اۋىلىندا حات يەسىمەن فاميلياسى بىردەي قاريا تۇراتىنى ەسىنە تۇسەدى.
ءسويتىپ, 87 جاستاعى كلەممي كوۋل (Clemmie Cole) قاريا 80 جىلدان كەيىن اعاسىنىڭ حاتىن تاپسىرىپ العان. «اعامنىڭ حاتىن وقىپ قاتتى تولقىدىم...» دەپ جىلاپ تۇرىپ سۇحبات بەرگەن ەكەن اقساقال جەرگىلىكتى جۋرناليستەرگە.
