كونفەرەنتسياعا قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى ق.نۇرپەيىسوۆ, ابايتانۋشى, قازاقستان رەسپۋبليكاسىنىڭ ۇعا اكادەميگى, فيلوسوفيا عىلىمدارىنىڭ دوكتورى, پروفەسسور گ.ەسىم, اقىن, قىرعىز رەسپۋبليكاسىنىڭ قازاقستان رەسپۋبليكاسىنداعى بۇرىنعى ەلشىسى ا.رىسكۋلوۆ, اقىن, ەۋرازيا حالىقتارى اسسامبلەياسىنىڭ ادەبي كەڭەسىنىڭ ءتورايىمى م. ال, قىرعىزستاننىڭ ا. وسمونوۆ اتىنداعى ۇلتتىق كىتاپحاناسىنىڭ ديرەكتورى ج. باكاشەۆا, پروفەسسور, قر ءسىم ديپلوماتيالىق اكادەمياسىنىڭ كافەدرا مەڭگەرۋشىسى ا. دجوروبەكوۆا, «ك.تاشباەۆ اتىنداعى قالالار مەن وڭىرلەر جازۋشىلارى» قوعامدىق بىرلەستىگىنىڭ ءتورايىمى, جازۋشى س.شاريپوۆا, ساياساتتانۋشى م.كابىلبەكوۆ, قىرعىز رەسپۋبليكاسىنىڭ جوگوركۋ كەنەش دەپۋتاتتارى, قوعام قايراتكەرلەرى, زيالى قاۋىم جانە باق وكىلدەرى قاتىستى.
ەلشى ق.نۇرپەيىسوۆ مەرەيتوي قازاقستان پرەزيدەنتى ق.توقاەۆتىڭ «اباي جانە ححI عاسىرداعى قازاقستان» اتتى ماقالاسىنان باستاۋ العانىن باسا ايتا وتىرىپ, وندا قازاق فيلوسوفى مۇراسىنىڭ وزەكتىلىگى ايرىقشا كورسەتىلگەنىن, ويتكەنى ابايدىڭ يدەيالارى قازاقستان ءۇشىن عانا ەمەس جالپى ادامزات ءۇشىن رۋحاني ازىق ەكەنىن جەتكىزدى.
ەلشى اباي مۇراسىن ناسيحاتتاۋعا قاتىستى دا ويىمەن ءبولىستى: «ونىڭ جالپىادامزاتتىق قۇندىلىقتارعا تولى شىعارمالارى بۇكىل الەمدىك قوعامداستىققا تيەسىلى, دۇنيەجۇزىلىك مادەنيەتتىڭ ءبىر بولىگى بولىپ تابىلادى. ۇلى ابايدىڭ 175 جىلدىعىن مەرەكەلەۋ ونىڭ شىعارمالارى مەن بۇكىل قازاقستاننىڭ الەمگە تانىلۋىنا جاڭا سەرپىن بەرەتىنىنە سەنىمدىمىن» - دەدى ول.
حالىقارالىق كونفەرەنتسيادا نەگىزگى بايانداماشىلار رەتىندە: اكادەميك ع. ەسىم (قازاقستان), اقىن ا. رىسقۇلوۆ (قىرعىزستان), ەۋرازيا حالىقتارى اسسامبلەياسىنىڭ باس كەڭەسىنىڭ مۇشەسى م. ال (رەسەي) ءسوز سويلەدى.
اتاپ ءوتۋ كەرەك, ا.وسمونوۆ اتىنداعى قىرعىز رەسپۋبليكاسىنىڭ ۇلتتىق كىتاپحاناسى ابايدىڭ مەرەيتويىنا وراي كورمە ۇيىمداستىرىپ, ول ونلاين فورماتتا كورسەتىلدى.
وعان قوسا, اباي قۇنانباەۆتىڭ قىرعىز تىلىندەگى «قارا سوزدەرى مەن پوەمالارى» كىتابىنىڭ ونلاين-تۇساۋكەسەرى ءوتتى.
كونفەرەنتسياعا قىرعىزستاننىڭ ك.ديكامباەۆ اتىنداعى ءسىم ديپلوماتيالىق اكادەمياسىنىڭ تىڭداۋشىلارى قاتىستى. ال الەۋمەتتىك جەلىلەردى پايدالانۋشىلار ونى تىكەلەي ەفيردە كورۋگە مۇمكىندىك الدى.
