اتالعان جوبالىق كەڭسەنىڭ مىندەتتەرى سىبايلاس جەمقورلىقتىڭ الدىن الۋ جانە مەكتەپكە دەيىنگى, ورتا, تەحنيكالىق جانە كاسىپتىك, جوعارى جانە جوعارى وقۋ ورنىنان كەيىنگى ءبىلىم بەرۋ, عىلىم سالالارىندا پاراساتتىلىقتى قالىپتاستىرۋ, سونداي-اق وسى سالانى رەتتەيتىن نورماتيۆتىك قۇقىقتىق اكتىلەردى تالداۋ بولىپ تابىلادى.
2019 جىلى جوبالىق كەڭسە قر ءبىلىم مينيسترلىگىنىڭ جانە ونىڭ ۆەدومستۆولىق باعىنىستى ۇيىمدارىنىڭ قۇرىلىمىن وڭتايلاندىرۋ بويىنشا تالداۋ جۇرگىزدى, جوعارى ءبىلىم بويىنشا سىبايلاس جەمقورلىق تاۋەكەلدەرىنىڭ كارتاسى جاسالدى, جوعارى وقۋ ورىندارىنىڭ سىبايلاس جەمقورلىققا قارسى ءاۋديتى جۇزەگە اسىرىلدى, تەحنيكالىق جانە كاسىپتىك ءبىلىم بەرۋ ۇيىمدارىندا مەملەكەتتىك تاپسىرىستى ءبولۋ بويىنشا مونيتورينگ جۇرگىزدى.
اتالعان جوباسى اياسىندا شقو-نىڭ بارلىق جوعارى وقۋ ورىندارىندا ء«بىر تەرەزە» قاعيداتى بويىنشا ستۋدەنتتەرگە قىزمەت كورسەتۋ ورتالىقتارى جۇمىس ىستەيدى (انىقتاما بەرۋ, ستۋدەنتتەردى وقۋ پاندەرىنە تىركەۋ, كرەديتتەر مەن پاندەردى قايتا ەسەپتەۋ, ديپلومدار مەن ترانسكريپتتەردىڭ تەلنۇسقالارىن بەرۋ جانە ت.ب.). بىرقاتار ۋنيۆەرسيتەتتەردە جاتاقحانالارداعى ورىندار ونلاين - رەجيمدە بەرىلۋدە.
سونداي-اق, 2019 جىلى تامىز ايىندا "ADAL BILIM" جوباسى اياسىندا سىبايلاس جەمقورلىققا قارسى قىزمەت ماماندارى جانە ارنايى مونيتورينگتىك توپ مۇشەلەرى العاش رەت ماگيستراتۋراعا ءتۇسۋ ءۇشىن كەشەندى تەستىلەۋگە باقىلاۋشى رەتىندە قاتىستى. اعىمداعى جىلدىڭ قاڭتار ايىندا جوعارى وقۋ ورنىنا اقىلى نەگىزدە ءتۇسۋ ءۇشىن 11 سىنىپ وقۋشىلارى ءۇشىن وتكىزىلگەن ۇلتتىق بىرىڭعاي تەستىلەۋگە قاتىستى. وسى ەمتيحاندار بارىسىندا كىرۋ كەزىندە 1347 ابيتۋريەنتتەن تىيىم سالىنعان زاتتار تاركىلەندى. 2 جالعان تۇلعا انىقتالدى. 105 ۇمىتكەر ەمتيحان كەزىندە تىيىم سالىنعان زاتتاردى پايدالانعانى ءۇشىن اۋديتوريادان شىعارىلدى جانە تيىسىنشە ولاردىڭ ناتيجەلەرى جويىلدى.
كوميسسيا مۇشەلەرىنىڭ, دەپارتامەنت قىزمەتكەرلەرىنىڭ بەلگىلەنگەن ەرەجەلەردى ساقتاۋ تۋرالى ەسكەرتۋلەرىنە قاراماستان, تالاپكەرلەر شپارگالكالاردى, ۇيالى تەلەفونداردى, سمارت ساعاتتاردى پايدالانۋعا تىرىستى. سوندىقتان مەكتەپ قابىرعاسىنان باستاپ وقىتۋشىلارعا, اتا-انالارعا جانە جالپى قوعامعا وسكەلەڭ ۇرپاقتىڭ بويىندا سىبايلاس جەمقورلىققا قارسى مادەنيەتتى قالىپتاستىرۋ, پاراساتتىلىق پەن ادالدىق ۇستانىمدارىن ناسيحاتتاۋ بويىنشا تۇراقتى نەگىزدە جۇمىس ىستەۋى قاجەت. تەك وسىلاي ءبىز ءوز ءىسىنىڭ ماماندارىن وقىتىپ, تاربيەلەي الامىز.
سايكەسىنشە جۇمىستار جازعى ۇبت-دا جالعاسىن تاۋىپ, شقو سىبايلاس جەمقورلىققا قارسى قىزمەت دەپارتامەنتىنىڭ قىزمەتكەرلەرى مەن ارنايى مونيتورينگتىك توپ مۇشەلەرى تەستىلەۋگە بەلسەنە قاتىسادى.
