ايماقتار • 27 مامىر، 2020

پوليتسەيلەر جول-كولىك وقيعاسىندا زارداپ شەككەندەر ءۇشىن قان تاپسىردى

27 رەت كورسەتىلدى

الماتى وبلىسى پد ارنايى جانە جۇمىلدىرۋ دايىندىعى باسقارماسىنىڭ قىزمەتكەرلەرى قان تاپسىرىپ، جول-كولىك وقيعاسىندا زارداپ شەككەندەرگە قول ۇشىن سوزدى، – دەپ حابارلايدى Polisia.kz.

– جول-كولىك وقيعالارى سالدارىنىڭ قانداي بولاتىنىن، اپاتتار كەزىندە ادامدار ءتۇرلى جاراقاتتار الىپ، كەيدە جان ءتاسىلىم ەتەتىنىن جاقسى بىلەمىز. وسىنداي كولىك اپاتتارىنان زارداپ شەككەندەرگە كومەك رەتىندە ءبىزدىڭ باسقارمانىڭ قىزمەتكەرلەرى تاڭەرتەڭ ەرتە جينالىپ، قان تاپسىردى. قالالىق قان تاپسىرۋ ورتالىعىنىڭ قىزمەتكەرلەرى ءتارتىپ ساقشىلارىنىڭ قىزمەتىنىڭ قاۋىرت ەكەنىن ەسكەرىپ، ەلدەن بۇرىن قابىلداپ، قان تاپسىرۋعا جاعداي جاسادى. قان قاجەت ادامعا قان تاپسىرۋ ءبىزدىڭ تاجىريبەدە كەڭىنەن قولدانىلادى،- دەپ اتاپ ءوتتى الماتى وبلىسى پد ارنايى جانە جۇمىلدىرۋ دايىندىعى باسقارماسىنىڭ باسشىسى ايات مۇراتباەۆ.

ءتارتىپ ساقشىلارى يگى ءىس جاساپ، جول اپاتتارىنان زارداپ شەككەندەرگە كومەكتەسۋگە قولداۋ ءبىلدىرىپ، قازاقستانداعى قان دونورلارىنىڭ قاتارىن تولىقتىردى.

– كەز كەلگەن نيەت ءبىلدىرۋشى، قان تاپسىرۋعا كەرى كورسەتكىشى جوق قىزمەتكەر قان دونورى بولا الادى. تۇرعىنداردى جانە ولاردىڭ دەنساۋلىعىن قورعاۋ ءبىزدىڭ پارىزىمىز دەپ سانايمىز. قان تاپسىرۋ ارقىلى ءبىز قيىن شاقتا قان قۇيۋ قاجەت ناۋقاستارعا كومەك كورسەتە الۋىمىز مۇمكىن،- دەپ تولىقتىردى ايات مۇراتباەۆ.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

ۇقساس جاڭالىقتار