ينۆەستورلار مەن كاسىپكەرلەرگە قىزمەت كورسەتۋدىڭ بىرىڭعاي ورتالىعى جوباسىن اكىمدىك پەن كاسىپكەرلەر پالاتاسى بىرلەسە جۇزەگە اسىرىپ وتىر. مۇندا قالا كاسىپكەرلەرى مەن ينۆەستورلارعا ء«بىر تەرەزە» نەگىزىندە مەملەكەتتىك قولداۋ جانە مەملەكەتتىك قىزمەت كورسەتىلەتىن بولادى.
بۇل جوبا- كاسىپكەرلەردى قولداۋ ماقساتىندا ازىرلەنگەن داعدارىسقا قارسى ءىس-شارا جوسپارى اياسىندا جۇزەگە اسىرىلىپ وتىر.
فرونت-ءوفيستىڭ جۇمىسىمەن تانىستىرعان شىمكەنت قالاسىنىڭ كاسىپكەرلەر پالاتاسىنىڭ ديرەكتورى نۇرلان قابىشتاەۆ وڭىرلىك پالاتانىڭ كونسۋلتانتتارى بجك-2025 باعدارلاماسى اياسىندا سەرۆيستىك قىزمەتتىڭ 6 ءتۇرىن ۇسىناتىنىن اتاپ ءوتتى.
وسى رەتتە, مۇرات دۇيسەنبەك ۇلى كەڭسەدە كورسەتىلەتىن قىزمەتتىڭ ساپاسىنا باسا نازار اۋدارۋدى ايتىپ, كەلۋشىلەرگە مەملەكەتتەن بەرىلەتىن قولداۋلار تۋرالى كەڭىنەن ءتۇسىندىرۋدى تاپسىردى.
وسى جىلدىڭ 1 ماۋسىمىنان باستاپ تولىققاندى جۇمىسىن باستايتىن فرونت-وفيستە «SHYMKENT اكك» «دامۋ» قورى مەن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ (حقكو) كونسۋلتانتتارى مەن مەملەكەتتىك ورگانداردىڭ قىزمەتكەرلەرى دە وسىندا بولادى.
مۇندا بارلىق قىزمەتتەردى ءبىر جەردەن الۋ ءۇشىن كاسىپكەرلەرگە ىڭعايلى جاعداي جاسالعانىن ايتقان پالاتا ديرەكتورى ورتالىققا - كاسىپكەر بيزنەسىندە تۋىنداعان سۇراقتاردىڭ كۇردەلىلىگىنە قاراماستان جۇگىنە الاتىنىن اتاپ ءوتتى.
كەڭسە جۇمىسىمەن تانىسۋ بارىسىندا «Shymkent» اكك» كورپوراتسياسىنىڭ باسشىلىعى اكىمگە جۇرتشىلىقپەن جۇمىس ىستەۋ جانە شىمكەنت قالاسىنىڭ كاسىپكەرلەرى ءۇشىن بارلىق قاجەتتى جاعدايلار جاساۋ تۋرالى تۇجىرىمداما ۇسىنىلدى.
كورپوراتسيا باسشىسى باۋىرجان كانكيننىڭ ايتۋىنشا, بارلىق مەملەكەتتىك باعدارلامالار مەن كاسىپكەرلەرمەن تىعىز جۇمىس جاسايتىن مەملەكەتتىك ينستيتۋتتاردىڭ قىزمەتىن ءبىر پاكەتكە بىرىكتىرۋ ءۇشىن تيپتىك جوسپار قاجەت ەكەنىن ايتتى. بولاشاقتا ولار كاسىپكەرلەردىڭ جوبالارىن قۇرىلىمدايتىن بولادى,-دەدى ول.
بۇل جوبا - ءىسىن جاڭا باستاعان جانە جۇمىس ىستەپ تۇرعان كاسىپكەرلەر ءۇشىن وتە ىڭعايلى ەكەنىن ايتقان قالا باسشىسى مۇندا ەڭ باستىسى كاسىپكەردىڭ ۋاقىتى ۇنەمدەلىپ, مەملەكەتتىك باعدارلامالار شەڭبەرىندە قارجىلاندىرۋدىڭ قولجەتىمدىلىگى ارتادى دەدى.
ايتا كەتەيىك, «بيزنەسكە ارنالعان ۇكىمەت- Shymkent INVEST» كەڭسەسى شىمكەنت قالاسى كاسىپكەرلەر پالاتاسى عيماراتىنىڭ ءبىرىنشى قاباتىندا ورنالاسقان.
