ەلدەگى توتەنشە جاعداي رەجيمى جويىلدى, ونىمەن بىرگە كونستيتۋتسياعا سايكەس پاندەميانى تازارتۋ جۇمىستارىنا قارۋلى كۇشتەردى جۇمىلدىرۋ توقتاتىلدى. دەگەنمەن, كوروناۆيرۋس قاۋپى سياقتى كارانتيندىك شەكتەۋلەر ءالى دە ساقتالادى. قارۋلى كۇشتەردە جەكە قۇرام اراسىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ءىس-شارالار جالعاسۋدا.
كوروناۆيرۋس پاندەمياسى قانداي باعىتتاردى دامىتۋ ماڭىزدى ەكەنىن كورسەتتى. ولاردىڭ ىشىندە قارۋلى كۇشتەردىڭ اسكەري-مەديتسينالىق قىزمەتى بار. COVID-19 جانە ينفەكتسيالاردىڭ باسقا دا تۇرلەرىن انىقتاۋعا مۇمكىندىك بەرەتىن جەكە پتر-زەرتحاناسىن قۇرۋعا جاڭا سەرپىن بەردى.
كەز كەلگەن جەردە ورىستەتۋ مۇمكىندىگىمەن تولىققاندى قامتاماسىز ەتىلگەن ءموبيلدى پتر-زەرتحانالاردى قۇرۋ كەلەسى قادام بولادى. بۇل تۋرالى قورعانىس ءمينيسترى ءتيىستى تاپسىرما بەردى.
قولباسشىلىق جەكە قۇرامنىڭ دەنساۋلىعىنا ەرەكشە نازار اۋداردى. وسى ماقساتتا ەڭبەك جانە دەمالىس رەجيمى قىزمەتتى ۇيىمداستىرۋ مۇددەلەرىن ەسكەرە وتىرىپ ۇيىمداستىرىلعان. دەمالىستاعى اسكەري قىزمەتشىلەردىڭ ۆيرۋستى جۇقتىرۋ جاعدايلارى انىقتالعانىن ەسكەرە وتىرىپ, مەديتسينا قىزمەتكەرلەرىنىڭ ەكى اپتا مەرزىمگە جانە باسقا دا اسكەري قىزمەتشىلەردىڭ ءۇش اپتاعا دەيىنگى مەرزىمگە دەمالىسىنا موراتوري ەنگىزۋ تاپسىرىلدى.
اپپاراتتىق كەڭەستە تۇرعىن ۇيمەن قامتاماسىز ماسەلەسى قوزعالدى. قورعانىس مينيسترلىگى قارۋلى كۇشتەردىڭ تۇرعىن ءۇي قورىنىڭ قولدا بار رەسۋرسى ەسەبىنەن بۇرىنعى اسكەري قىزمەتشىلەردى تۇرعىن ۇيمەن قامتاماسىز ەتۋ ماسەلەسىن شەشۋدى كوزدەيدى. اسكەري باسشىلىقپەن ازاماتتارعا قولدانىستاعى تۇرعىن ءۇي زاڭناماسىنىڭ نورمالارىن ءتۇسىندىرۋ تاپسىرىلدى.
جوسپارلى وقۋ ساباقتارىن وتكىزۋ كەزىندە قاۋىپسىزدىكتى قامتاماسىز ەتۋ ماقساتىندا مينيستر جىلىنا ەكى رەت جانە ءىرى اۋقىمدى وقۋ-جاتتىعۋلاردى اياقتاعاننان كەيىن وقۋ پوليگوندارىن تۇتاس تازارتۋ بويىنشا جۇمىستاردى جالعاستىرۋدى تاپسىردى.
اسكەري وبەكتىلەردىڭ قاۋىپسىزدىگىن قامتاماسىز ەتۋ وزەكتى مىندەتتەردىڭ ءبىرى بولىپ سانالدى. جۋىردا تالدىقورعان گارنيزونىنىڭ اسكەري بولىمدەرىنىڭ بىرىندە كەزەكشى ناريادتىڭ كۇشىمەن ۇشقىشسىز ۇشۋ اپپاراتى زالالسىزداندىرىلدى. زاڭسىز ءتۇسىرىلىم جۇرگىزگەن اپپاراتتىڭ يەسى ۇستالدى. ءتارتىپ بۇزۋشى قۇقىق قورعاۋ ورگاندارىنا جىبەرىلدى.
اپپاراتتىق كەڭەس بارىسىندا اسكەري قىزمەتشىلەردىڭ جاۋىنگەرلىك دايارلىعىنىڭ ماسەلەسى قارالدى. ەكىنشى جوسپاردا قالىپ قويعان بۇل ماسەلەنى تۇزەتۋ قاجەت. ويتكەنى قارۋلى كۇشتەردىڭ نەگىزگى مىندەتى جاۋىنگەرلىك قابىلەتتىڭ جانە دايارلىقتىڭ جوعارى دەڭگەيىن قامتاماسىز ەتۋ بولىپ تابىلادى. كومانديرلەرگە سانيتاريالىق-ەپيدەميولوگيالىق قاۋىپسىزدىك شارالارىن ساقتاي وتىرىپ, جاۋىنگەرلىك كەزەكشىلىك پەن قىزمەت اتقارۋدىڭ جوسپارلى رەجيمىنە كوشۋ تاپسىرىلدى.
