باقىت بەشىمبەك ۇلىنىڭ ەسىمى جانكۇيەرلرگە جاقسى تانىس. 41 جاستاعى ازامات كەزىندە ەلىمىزدىڭ ەڭ بەلدى زىلتەمىرشىلەرىنىڭ ءبىرى بولىپ, ءتۇرلى ءدۇبىرلى دودالاردا تابىستى ونە كورسەتتى. اتاپ ايتساق, 2002 جىلى پۋساندا الاۋى تۇتانعان ازيا ويىندارىندا التىن تۇعىرعا كوتەرىلسە, 2006 جىلى دوحادا قولا مەدالدى موينىنا ءىلدى.
2004 جىلى قۇرلىق چەمپيونى اتانسا, 2007 جىلى سول جارىستا ءۇشىنشى ساتىعا تابان تىرەدى. ءۇش بىردەي وليمپيا ويىندارى مەن بىرنەشە رەت الەم چەمپيوناتتارىنا قاتىستى. 2008 جىلى بەيجىڭ وليمپياداسىنىڭ اشىلۋ سالتاناتىندا قازاق ەلىنىڭ كوك بايراعىن ۇستاپ شىقتى.
ۇلكەن سپورتتان قول ۇزگەننەن كەيىن باقىت احمەتوۆ قازاقستاننىڭ جاستار قۇراماسى جانە رەسپۋبليكالىق وليمپيادالىق دايارلاۋ ورتالىعىنىڭ اعا جاتتىقتىرۋشىسى قىزمەتتەرىن اتقاردى. وسى ورايدا ونىڭ شاكىرتتەرى الەمدىك جانە قۇرلىقتىق دودالاردا وراسان زور تابىستارعا قول جەتكىزگەنىن ايتا كەتۋ ابزال.
