زاڭ قابىلدانعاننان كەيىن ازاماتتاردىڭ ءسوز بوستاندىعى ماسەلەسىن رەتتەپ, بەيبىت جيىندار وتكىزۋدى جەڭىلدەتپەك. بۇعان دەيىن ايتقانىمداي, بەيبىت جيىندار ازاماتتارىمىز ءۇشىن قالىپتى نارسەگە اينالادى. ارينە بۇعان ۋاقىت كەرەك.
بەيبىت جيىندار وتكىزۋ تۋرالى ءوتىنىشتى بەرۋ ۋاقىتى دا قىسقارتىلدى. ليبەراليزاتسيا ناتيجەسىندە ەندى ءوتىنىشتى 15 كۇن بۇرىن ەمەس, 5 كۇن بۇرىن بەرۋ دە جەتكىلىكتى. جيىن وتكىزەتىن ورىنداردىڭ دا حالىققا ىڭعايلى, ينفراقۇرىلىمدىق وبەكتىلەردى قولدانۋ مۇمكىندىگى بولۋى كەرەك. سونىمەن قاتار اكىمدىكتەر اتالعان جەرلەردە باسقا شارالار وتكىزىلىپ جاتسا حابار بەرىپ, اقپارات تاراتىپ تۇرۋى كەرەك. وعان قوسا دەمونستراتسيا مەن شەرۋ سياقتى جيىندار وتكىزبەس بۇرىن جەرگىلىكتى اتقارۋشى بيلىكتى قۇلاعدار ەتۋ دە ازاماتتاردىڭ جۇمىسىن جەڭىلدەتپەك. ويتكەنى كوشەلەردى جاۋىپ, جۇرگىنشىلەر مەن جۇرگىزۋشىلەرگە كەدەرگى كەلمەۋى كەرەك. حالىقارالىق پاكتىلەر مەن كونستيتۋتسياعا سايكەس, ميتينگتەر قۇقىعى باسقالاردىڭ قۇقىعىن شەكتەمەۋى كەرەك. ياعني, باسقا تۇرعىنداردىڭ جۇمىسى توقتاپ, جولىنان قالۋ سياقتى ولقىلىقتار بولماۋى ءتيىس.
تاعى ءبىر نازارعا الاتىن جايت – جۋرناليستەردىڭ جۇمىسى. بەيبىت جيىندار كەزىندە جۋرناليستەردىڭ جۇمىسىن شەكتەيتىن ەرەجەلەر تولىقتاي قىسقارتىلدى دەسەك بولادى. قۇجاتتارعا قاتىستى تالاپتار دا وڭتايلاندىرىلدى.
ال جيىنداردى توقتاتۋ ماسەلەسىنە كەلسەك, ادام ءومىرى مەن دەنساۋلىعىنا قاۋىپ تونگەن جاعدايدا, مەملەكەت مۇلكى زاقىمدالعاندا, ارنايى ورىنعا جينالعاندار سانى شەكتەن اسسا, جيىندى توقتاۋعا رۇقسات بار.
مۇنداي ناقتى شەكتەۋلەر كورسەتىلىپ, بەلگىلەنگەنى دۇرىس. جالپى, جاڭا زاڭ ادام قۇقىقتارىن قورعاۋ جونىندەگى ەۋروپالىق كونۆەنتسيا پرينتسيپتەرىنە دە سايكەس كەلەدى. «تىيىم سالىنباعاننىڭ بارىنە رۇقسات» پەن «ازاماتتىڭ قۇقىعى ەكىنشى ازاماتتىڭ قۇقىعىن شەكتەمەۋى» كەرەك دەگەن ادام قۇقىقتارىنىڭ باستى ەكى ءپرينتسيپى نەگىزگە الىنعان.
مارات باشيموۆ,
ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى
