ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 586 مىڭ ادامنىڭ 561 مىڭى تج كەزىندە مەملەكەتتىك ينستانتسيالارعا جۇگىنبەي, II توقساندا ااك-ءتى اۆتوماتتى تۇردە العان. ونىڭ ىشىندە 25 مىڭ ادام ااك الۋ ءۇشىن العاش رەت جۇگىنگەن.
«جاردەماقى ەڭ الدىمەن قۇرامى, تۇرعىلىقتى مەكەنجايى جانە تابىس دەڭگەيى وزگەرمەگەن وتباسىلارعا تاعايىندالدى. ول ءۇشىن اقپاراتتىق جۇيەلەردەن الۋشىلاردىڭ دەرەكتەرىن تەكسەرۋ جۇزەگە اسىرىلدى, اتاپ ايتقاندا, تۇرعىلىقتى جەرى بويىنشا تىركەلۋى, جىلجىمايتىن مۇلكىنىڭ, كولىگىنىڭ بولۋى, كىرىستەرى جانە باسقاسى تەكسەرىلدى. بارلىق اقپارات, سونداي-اق حابارلامالار, ەلەكتروندى پوشتا جانە مەسسەندجەرلەر ارقىلى جىبەرىلدى. ااك كورسەتۋدىڭ جاڭا تەتىكتەرى شەڭبەرىندە تابىسى از وتباسىلارداعى بالالاردى قولداۋعا ەرەكشە كوڭىل بولىنەدى. كەپىلدىك بەرىلگەن الەۋمەتتىك توپتاما جاس ساناتتارى بويىنشا 2 تۇرگە بولىنەدى: 1-دەن 6 جاسقا دەيىنگى جانە 6-دان 18 جاسقا دەيىنگى بالالارعا ارنالعان. 1 جاستان 6 جاسقا دەيىنگى بالالار ءۇشىن ازىق-ت ۇلىك جانە تۇرمىستىق حيميا زاتتارىنىڭ جيىنتىعى قاراستىرىلعان», دەيدى مينيسترلىك وكىلدەرى.
ازىق-ت ۇلىك جيىنتىعىنا ءتۇرلى جارما, شىرىندار, ءسۇت جانە ت.ب. كىرەدى. تۇرمىستىق حيميا جيناعى ءتىس پاستاسى, بالاعا ارنالعان ششەتكانى, كىر جۋاتىن ۇنتاقتى, شارۋاشىلىق جانە ءيىس سابىندى جانە ت.ب. قامتيدى, ول توقسانىنا 1 رەت ۇسىنىلادى. سونىمەن قاتار, 6 جاستان 18 جاسقا دەيىنگى بالالارعا مەكتەپتە تەگىن تاماق بەرىلەدى, قوعامدىق كولىكتە وقۋ ورنىنا دەيىن جەڭىلدىكپەن جۇرەدى, مەكتەپ فورماسىمەن جانە مەكتەپ كەرەك-جاراقتارىمەن جىلىنا 1 رەت قامتاماسىز ەتىلەدى.
