ء«بىرشاما وڭىردە اۋرۋدى جۇقتىرۋ سانى كوبەيىپ وتىر, بۇل تىكەلەي كارانتيندىك تالاپتاردىڭ ورىندالماۋىنا بايلانىستى. مەملەكەت باسشىسىنىڭ تاپسىرماسىنا وراي وڭىرلەر سانيتارلىق-ەپيدەميولوگيالىق تالاپتاردىڭ ورىندالۋىن باقىلاۋدى ۇيىمداستىرىپ, ولاردى ورىنداماعان ازاماتتارعا, مەكەمەلەرگە, ءوندىرىس وبەكتىلەرى مەن كاسىپكەرلىك سۋبەكتىلەرىنە قاتىستى ءتيىستى شارالار قابىلداۋى كەرەك», - دەدى ە. توعجانوۆ.
وسىعان وراي, وڭىرلەردىڭ اكىمدىكتەرى مەن مەملەكەتتىك ورگاندارعا تاپسىرىلدى:
- ەڭبەك ۇجىمدارىندا الەۋمەتتىك قارىم-قاتىناستىڭ دەڭگەيىن بارىنشا تومەندەتۋ (قىزمەتكەرلەردىڭ 50% قولدانۋ);
- جۇمىس كۇنى بارىسىندا بەتپەردە تاعۋ جانە ۋاقتىلى اۋىستىرۋدى باقىلاۋدا ۇستاۋدى ۇيىمداستىرۋ;
- الەۋمەتتىك ارا قاشىقتىقتى ساقتاۋ مۇمكىندىگىن جاساۋ;
- قوعامدىق كولىككە جولاۋشىلاردىڭ تەك ارنايى وتىرۋ ورىندارىنا سايكەس جانە مىندەتتى تۇردە ماسكاسى بار بولعان جاعدايدا عانا ءمىنۋىن قامتاماسىز ەتۋ;
- قورعانىس, ىشكى ىستەر قىزمەتكەرلەرىنىڭ قاتىسۋىمەن قوعامدىق جانە ءوندىرىس ورىندارىن, مەكەمەلەر مەن وبەكتىلەردى دەزينفەكتسيالاۋ شارالارىن كۇشەيتۋ.
بەرىلگەن تاپسىرمالاردىڭ ورىندالۋى ۇكىمەت تاراپىنان تۇراقتى باقىلاۋعا الىنادى.
