قازىرگى ۋاقىتتا ەلوردادا جول-قۇرىلىس جۇمىستارى قىزۋ جۇرۋدە. كولىك جانە جول-كولىك ينفراقۇرىلىمىن دامىتۋ باسقارماسى قالداعى كوشەلەر مەن جولداردى جوندەۋدى س. تورايعىروۆ كوشەسى بويىنشا ءا.جانگەلدين كوشەسىنەن س. سەيفۋللين كوشەسىنە دەيىنگى ۋچاسكەدە, ق. ساتپاەۆ كوشەسىندە ب. مومىش ۇلى داڭعىلىنان ق. مۇڭايتپاسوۆ كوشەسىنە دەيىنگى ۋچاسكەدە, نۇرلىجول كوشەسىندە د. قوناەۆ كوشەسىنەن دوستىق كوشەسىنە دەيىنگى ۋچاسكەدە, ى.دۇكەن ۇلى كوشەسى بويىنشا رەسپۋبليكا داڭعىلىنان ش. ايمانوۆ كوشەسىنە دەيىنگى ۋچاسكەدە جۇرگىزۋدە. اتالعان كوشەلەردى جوندەۋدى 30 مامىرعا دەيىن, س. تورايعىروۆ كوشەسى بويىنشا جۇرگىزىلىپ جاتقان جوندەۋ 27 مامىرعا دەيىن اياقتاۋ جوسپارلانعان.
بۇگىندە دوستىق كوشەسى بويىنشا, ساۋران كوشەسىنەن اقمەشىت كوشەسىنە دەيىنگى ۋچاسكەدە جوندەۋ جۇرگىزىلۋدە. سونداي-اق 15 ماۋسىمعا دەيىن بوگەنباي باتىر داڭعىلى بويىنشا, جەڭىس داڭعىلىنان سارىارقا داڭعىلىنا دەيىن جانە كونستيتۋتسيا كوشەسىنەن ءى. ەسەنبەرلين كوشەسىنە دەيىن جوندەۋ جۇرگىزىلەتىن بولادى. سونىمەن قاتار اگروقالاشىق, ءوندىرىس, وڭتۇستىك-شىعىس (وڭ جاعى), پرومىشلەننىي جانە پريگورودنىي ەلدى-مەكەندەرىنىڭ كوشەلەرى جوندەلۋدە. 8 مامىردان باستاپ قىرىققىز كوشەسىندە جول توسەمىن ورناتۋ باستالدى, ولاردى اياقتاۋ 10 ماۋسىمعا بەلگىلەندى. 12 مامىردان 15 ماۋسىمعا دەيىن – جەلدىرمە بۇرىلىسىندا جوندەۋ جوسپارلانۋدا. 10 ماۋسىمعا دەيىن اگروقالاشىقتاعى مارالساي, قوعالى, قاماجاي كوشەلەرىندە, وندىرىستەگى اقبيداي, كەڭشالعىن كوشەلەرىن جوندەۋ اياقتالادى.
سونىمەن قاتار, قازىرگى ۋاقىتتا وڭتۇستىك-شىعىس ەلدى-مەكەنىندە قاراساز, مارقاكول, كەلەس, ارعاناتى, ورحون, نۇرلى جانە اقبەرگەن قيىلىستارىن اسفالتتاۋ جۇرگىزىلۋدە. پريگورودنىي ەلدى-مەكەنىندە بەلسارى, پرومىشلەننىي ەلدى-مەكەنىندە بالۋان شولاق جانە م. تولەباەۆ كوشەلەرىندە جول ءجۇرۋ 10 ماۋسىمعا دەيىن قامتاماسىز ەتىلەدى دەپ جوسپارلانۋدا.
جوندەۋ جۇرگىزۋ كەزىندە قالا كوشەلەرى تولىق جابىلادى. دايىندىق جۇمىستارى جانە اسفالتبەتون توسەۋ كەزىندە كوشەلەر بولىگى تولىعىمەن جابىلادى. شۇڭقىرلارعا جوندەۋ جۇرگىزۋ كەزىندە باسقارما جول بولىگىن جابۋ بويىنشا شارالار قابىلدايدى.
قالانىڭ كوشە-جول جەلىسىندەگى جوندەلەتىن ۋچاسكەلەردىڭ اتى, مەرزىمى, ۋاقىتى تۋرالى اقپارات قالا تۇرعىندارىنا نۇر-سۇلتان قالاسى اكىمدىگىنىڭ رەسمي سايتىندا, باسقارمانىڭ رەسمي سايتىندا, اقپاراتتىق اگەنتتىكتەردىڭ سايتتارىندا جانە الەۋمەتتىك جەلى پاراقشالارىندا جاريالاناتىن بولادى.
