ء«بىزدىڭ باستى مىندەتىمىز – ناۋقاس ادامداردى دەر كەزىندە انىقتاۋ. سوندىقتان قازىرگى ۋاقىتتا تەستتەن وتەتىن ازاماتتاردىڭ سانىن كوبەيتتىك. ەگەر وسى تج باستالعان كۇندەرى ءبىر عانا لابوراتوريا جۇمىس ىستەگەن بولسا, قازىرگى ۋاقىتتا ەلوردا ايماعىندا 5 لابوراتوريا جۇمىس ىستەيدى. كۇندەلىكتى 3 مىڭنان استام تەستىلەۋ جۇرگىزىلۋدە», - دەدى التاي كولگىنوۆ.
اكىمنىڭ ايتۋىنشا, كۇن سايىنعى تەستىلەۋ ناتيجەسى قاۋىپسىزدىك شارالارىن قابىلداۋعا سەپتىگىن تيگىزۋدە.
«ىندەتپەن كۇرەسۋ جولىندا تج العاشقى كەزەڭىندە پنەۆمونيا, جرۆي جانە باسقا دا سيمپتومى بار ازاماتتاردى بارلىق ەمحانا قابىلداي الاتىن. بىراق بۇل دارىگەرلەرگە قاۋىپ ءتوندىردى. سوندىقتان دارىگەرلەردىڭ قاۋىپسىزدىگى ءۇشىن ءبىز پنەۆمونيا دياگنوزى بار ازاماتتارعا تەك ءبىر اۋرۋحانانى بەلگىلەدىك. ول – تەمىرجول اۋرۋحاناسى. سونىمەن بىرگە, جرۆي نەمەسە باسقا دا سيمپتومى بار ازاماتتاردى №2 اۋرۋحانا قابىلدادى. تج اياقتالعان سوڭ 14 ەمحانادا جرۆي نەمەسە باسقا سيمپتومى بار ناۋقاستاردى قابىلداۋعا مۇمكىندىك تۋدى. بۇل شارالاردىڭ ارقاسىندا ءبىز 150-گە جۋىق ۆيرۋس جۇقتىرعان ادامدى باسقا اۋرۋحانالارعا جىبەرۋگە جول بەرمەدىك. ياعني, ءبىزدىڭ دارىگەرلەردى جانە باسقا دا ازاماتتاردى ساقتاپ قالدىق», - دەدى قالا اكىمى.
ىندەتپەن كۇرەسىپ جۇرگەن دارىگەرلەرگە مەملەكەت تاراپىنان قولداۋ كورسەتىلىپ جاتىر. قازىرگى ۋاقىتتا 4 مىڭعا جۋىق دارىگەرگە 1,5 ملرد تەڭگە قاراجات ءبولىندى.
