قالا ىشىندە ورنالاسقان جاسىل بەلدەۋ مەملەكەتتىك ورمان قورىنا جاتپايدى. ءورت قاۋپى كەزەڭى باستالعالى ءموبيلدى توپ قىزمەت ەتۋدە. تاۋلىك بويى بايلانىس جانە ءورت ءسوندىرۋ قۇرالدارىمەن قامتاماسىز ەتىلگەن 40 ورمانشى 10 كۇزەت مۇناراسى (ۇزىندىعى 12-18 مەتر) قويىلعان 6 باعىت بويىنشا كەزەكشىلىك اتقارادى.
قالا اۋداندارى بويىنشا كوممۋنالدىق ۇيىمداردىڭ ۇيىمداستىرۋىمەن جىلجىمالى باقىلاۋ بەكەتتەر ورناتىلدى («جاسىل-ايماق» رمم, «استانا-زەلەنستروي» اق, «استانا-تازالىق» جشس). سونداي-اق قالانىڭ پەريمەترى بويىنشا اشىق اۋدانداردا ءورتتىڭ ۋاقتىلى انىقتالۋى ءۇشىن, 4 بيىك عيماراتتا 32 بەينەباقىلاۋ كامەراسى ورناتىلدى. كامەرالار جەدەل باسقارۋ ورتالىعىن نىسانعا الدى.
«2020 جىلدىڭ 26 مامىرىنا دەيىن توتەنشە جاعداي دەپارتامەنتى نۇر-سۇلتان قالاسى اۋماعىندا 49 رەت قۇرعاق شوپتەر مەن قامىستاردى ءسوندىرۋ شاراسىن جۇرگىزدى. 2020 جىلى ورتەنگەن اۋماق كولەمى – 10 631 ش.م. (2019 جىلى – 20 325 ش.م.) بولدى. بيىل جۇمىسقا 379 ادام جانە 72 تەحنيكا جۇمىلدىرىلدى. جاسىل بەلدەۋدىڭ ورمان القاپتارىندا ءورت شىعۋ فاكتىسى تىركەلمەدى», – دەدى توتەنشە جاعداي دەپارتامەنتى وكىلدەرى.
ەلورداداعى جاسىل بەلدەۋدىڭ جالپى اۋدانى – 14,8 مىڭ گەكتار. ونىڭ ىشىندە 11,5 مىڭ گەكتارى – ورمان القاپتارى, جاپىراقتى اعاشتاردىڭ ۇلەسى – 98,2%, قىلقان جاپىراقتىلار – 1,8%-دى قۇرايدى.
