كەشەن قۇرىلىسىنىڭ وپەراتورى «KPI Inc.» جشس-ءنىڭ مالىمەتىنە سۇيەنسەك, ء ساۋىر ايىندا 6 بارجامەن 17 تەحنولوگيالىق قوندىرعى رۋمىنياداعى كونستانتسا پورتىنا جەتكىزىلگەن. ال, قارا تەڭىز-ۆولگا-دون كانالى ارقىلى كاسپي تەڭىزىنە, كەيىن جايىق-كاسپي كانالىمەن اتىراۋداعى وزەن پورتىنا تاسىمالدانعان.
–وڭتۇستىك كورەيادان پروپاندى ساقتاۋعا ارنالعان ارقايسىسى 532,7 توننالىق 4 رەزەرۆۋار, جوعارى قىسىمعا شىداس بەرەتىن ارقايسىسى 115 توننانى قۇرايتىن 3 قازان, جالپى سالماعى 177,5 توننالىق جوعارى قىسىمدى الماستىرعىش, ءاربىرىنىڭ سالماعى 145 توننا بولاتىن 8 پروپاندى سۋسىزداندىرۋ رەاكتورى جىبەرىلدى. سونداي-اق, رەاكتورلارعا ارنالعان 80 توننالىق 8 اكسەسسۋار جيىنتىعى قوسا جەتكىزىلدى. بۇل جۇكتەردىڭ ءبارى ءىرى گاباريتتى, جالپى سالماعى – 3 893,3 توننا, ال, بيىكتىگى – 12,5 مەتر, - دەپ حابارلادى «KPI Inc.» جشس.
اتىراۋداعى وزەن پورتىنا جەتكىزىلگەن ءىرى گاباريتتى جۇكتى قۇرىلىس الاڭىنا ماۋسىمدا جەتكىزۋ كوزدەلىپ وتىر.
اتىراۋ
