بولىمشە مەڭگەرۋشىلەرى مەن ديرەكتوردىڭ ورىنباسارىن قوسقاندا 30 ادام قاتىستى. جۇمىسقا ورنالاستىرۋ جانە كوروناۆيرۋسقا قارسى كۇرەسكە جۇمىلدىرىلعان, ينفەكتسيانى جۇقتىرعان مەديتسينا قىزمەتكەرلەرىنە ۇستەمەاقى تولەۋدى جۇزەگە اسىرۋ بارىسىنا بايلانىستى ەڭبەك ۇجىمىنىڭ وتىنىشىندە كوتەرىلگەن ماسەلەلەر قارالدى. وقكا باس دارىگەرىنىڭ مىندەتىن ۋاقىتشا اتقارۋشى گۇلنار قۇلقاەۆانىڭ قازىرگى جاعداي جايلى بايانداماسى تىندالدى. وسىلايشا, اۋرۋحانانىڭ 10 قىزمەتكەرى ءوز ەركىمەن جۇمىستان شىقتى. 1 ماۋسىمعا دەيىن ساۋىققان 143 قىزمەتكەر جۇمىسقا ورنالاسادى دەپ كۇتىلۋدە, ال 1-15 ماۋسىم ارالىعىندا قالعان بارلىق قىزمەتكەرلەر جۇمىسقا شىعۋعا دايىن.
كەزدەسۋگە قاتىسۋشىلار قالالىق كارانتين رەجيىمىنىڭ اياسىندا قالىپتاسقان ەڭبەك قۇقىعىن ودان ارى رەتتەۋ شارالارى بويىنشا قوعامدىق دەنساۋلىق ساقتاۋ باسقارماسىنىڭ تاسىلدەرىن قاراستىردى.
وقكا قىزمەتكەرلەرى ءۇشىن 1 ماۋسىمىنان باستاپ 15 كۇننەن ۆاحتالىق جۇمىس ءادىسى بەلگىلەنگەن, الايدا بۇل ءادىس جان ساقتاۋ بولىمىندەگى ماماندارعا قاتىستى ەمەس, ولار ءۇشىن ساعاتتىق جۇمىس كەستەسى قاراستىرىلعان.
سونىمەن بىرگە, وقكا قىزمەتكەرلەرىن بارىنشا تولىعىمەن (ماكسيمالدى تۇردە) №4 قكا, №7قكا, قجشككا (گبسنپ) بوس ورىندارىنا جۇمىسقا ورنالاستىرۋ تاپسىرىلدى.
سونداي-اق جۇمىسقا ورنالاستىرىلماعان وقكا قىزمەتكەرلەرىنە ءوندىرىستىڭ توقتاپ تۇرعان كەزەڭىندە جەرگىلىكتى بيۋدجەت قارجىسى ەسەبىنەن ورتاشا ايلىق ەسەپپەن جالاقى تولەۋ جوسپارلانىپ وتىر.
ۇستەماقى ماسەلەسى بويىنشا ارنايى جۇمىس توبى قۇرىلدى, تىزىمدەر جاسالدى, جاقىن ارادا دەنساۋلىق ساقتاۋ مينيسترلىگىنىڭ ارنايى توبى جۇرگىزگەن تەرگەۋ امالدارىنىڭ رەسمي ناتيجەسى كۇتىلۋدە. سوعان بايلانىستى سوڭعى شەشىم قابىلدانادى.
كەزدەسۋدە قابىلداۋ ءبولىمىنىڭ دارىگەر-تراۆماتولوگى د.كۋنتۋەۆ, گينەكولوگيا ءبولىمىنىڭ مەڭگەرۋشىسى گ.امىرەەۆا, ەپيدەميولوگ گ.جانتۋوۆا جانە ت. ب. ءسوز سويلەدى.
