–تەڭىزدەگى جۇمىسشىلاردىڭ 90 پروتسەنتىندە ىندەت سيمپتومسىز انىقتالدى. قازىر تەڭىز كەن ورنىندا پتر تالداۋلارىنىڭ سانى 8000-نان استى. ورتاشا ەسەپپەن كۇن سايىن 400-گە جۋىق تالداۋ جاسالادى,- دەدى ول.
بۇل ءتاسىل ارقىلى ناۋقاستارمەن بايلانىسقان تۇلعالاردى انىقتاۋ ستاتيستيكاعا ايتارلىقتاي اسەر ەتىپتى. ناتيجەسىندە كوروناۆيرۋس بويىنشا وڭ ناتيجەلەر سانىنىڭ ءوسۋىن كورسەتتى. جاپپاي سىناقتار جۇرگىزۋ بارىسىندا ۆيرۋس بەلگىلەرى جوق ادامداردا دا ىندەت انىقتالعانىپتى.
–تشو مەن مەردىگەر ۇيىمدار سانيتارلىق-ەپيدەميولوگيالىق قىزمەتپەن بىرگە نۇسقاۋلارعا سايكەس تەستىلەردى جيناۋ, جۇقتىرعان ادامداردى انىقتاۋ, جەكە ادامداردى وقشاۋلاۋ بويىنشا ءىس-شارالاردى جالعاستىرا بەرەدى, - دەدى ر. ارتىعاليەۆ.
تەڭىز كەن ورنىنداعى ينفەكتسيالىق ستاتسيونار كوروناۆيرۋس ينفەكتسياسىنىڭ جۇمساق جانە سيمتومپسىز تۇرىمەن اۋىراتىن ناۋقاستاردى قابىلدايدى. مۇندا ارنايى قابىلدانعان حاتتامالارعا سايكەس 376 ادام ەم قابىلداپ جاتىر. سونداي-اق, وقشاۋلاۋ, الەۋمەتتىك قاشىقتىق, بەتپەردە كيۋ, جەكە گيگيەنالىق شارالار قاتاڭ ساقتالعان.
ء–بىز بارلىق مەردىگەرلەر مەن ولاردىڭ قىزمەتكەرلەرىنەن وسى شارالاردى ورىنداۋدى سۇرايمىز. ولاي بولماعان جاعدايدا, تشو كەلىسىمشارتتار مەن ەڭبەك شارتتارىن بۇزۋعا دەيىن باراتىن قاتاڭ شارالاردى قولدانادى. تشو-نىڭ قاۋىپسىزدىك قىزمەتى جىلىوي اۋدانىنىڭ اكىمدىگىمەن, وبلىستىق وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىمەن, پوليتسيا دەپارتامەنتىمەن بىرلەسىپ, تەڭىزدەگى اۋىسىمدىق لاگەرلەردە وسى ستاندارتتاردىڭ ورىندالۋىن ۇنەمى قاداعالاپ وتىرادى, - دەدى ر.ارتىعاليەۆ.
