قاتەرلى ىندەت ءجۇرىپ جاتقان كەزەڭدە ويىن بالاسىنىڭ كوڭىلىن اۋلاۋ وڭاي بولمايتىن ءتۇرى بار. ازىرگە ءبىلىم باسقارماسى بالالاردىڭ دەمالىسىن ەكى باعىتتا ۇيىمداستىرۋعا ازىرلىك جاساۋدا.
بيىلعى جازعى دەمالىسقا ەكى باعىتتا دايىندىق جاسالۋدا. ءبىرىنشىسى, ءداستۇرلى. ياعني, جازعى لاگەرلەر قاۋىپسىزدىك شارالارىن ساقتاي وتىرىپ, شتاتتىق رەجيمدە جۇمىس ىستەمەك. وعان دايىندىق شارالارى بۇگىننەن باستالىپ تا كەتتى.
– باسقا وبلىستارمەن سالىستىرعاندا ەپيدەميولوگيالىق جاعداي جامان ەمەس. بۇگىنگى كۇنى قالا سىرتىنداعى نەمەسە مەكتەپ جانىنداعى لاگەرلەرگە قابىلداۋ بويىنشا ازىرلىك جۇرگىزىلۋدە. تەك تسەلينوگراد اۋدانىندا عانا ۇيىمداستىرا المايمىز. باس سانيتارلىق دارىگەردىڭ قاۋلىسىندا تسەلينوگراد اۋدانىنىڭ قوسشى جانە قوياندى اۋىلدارى اتاپ كورسەتىلگەن. ول جەردە قوسىمشا ءبىلىم دە وتكىزىلمەيدى,–دەيدى وبلىستىق ءبىلىم باسقارماسى باسشىسىنىڭ ورىنباسارى بوتاگوز دۇيسەنوۆا.
ياعني, ءوڭىردىڭ ەپيدەميولوگيالىق جاعدايى تۇراقتى بولسا, ماۋسىمنىڭ 15-ىنەن قالا سىرتىنداعى 20 لاگەر مەن مەكتەپ جانىنداعى 450 لاگەر جانە قوسىمشا 300 الاڭ بالالاردى قابىلداي باستايدى.
