– ماقسات وتباسىلىق-تۇرمىستىق جاعدايدا, پروفيلاكتيكالىق جانە تىزىمدىك ەسەپتە تۇرعان تۇلعالاردىڭ تاراپىنان جاسالاتىن قۇقىق بۇزۋشىلىقتار مەن قىلمىستاردىڭ الدىن-الۋ. ءىس-شارا كەزىندە ءتۇرلى قۇقىق بۇزعان 150-گە جۋىق ادام پروفيلاكتيكالىق جانە تىزىمدىك ەسەپكە الىندى. سونداي-اق 47 قورعاۋ نۇسقاماسى شىعارىلدى. ال, 16 ازاماتقا سوتپەن ەرەكشە تالاپتار بەلگىلەندى. ەسەپكە الىنعاندار قاتارىندا 56 ماسكۇنەم, 16 ناشاقور, 5 جايسىز وتباسى بار, - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
ءتارتىپ ساقشىلارى سوت ورىندارىنا ەرىكسىز ەمدەۋ مەكەمەسىنە ورنالاستىرۋ ءۇشىن 7 ازاماتقا قاتىستى, 1 ازاماتتى شارتتى تۇردە مەرزىمىنەن بۇرىن بوساتۋدىڭ كۇشىن جويۋعا بايلانىستى ۇسىنىستار جولدادى. سونىمەن بىرگە 1000-نان استام تۇلعاعا قاتىستى اكىمشىلىك حاتتاما تولتىردى. قۇقىق بۇزعانداردىڭ 30-عا جۋىعى وتباسىنىڭ تىنىشتىعىن الىپ, 60-تان استامى قوعامدىق ورىنداردا ماس كۇيىندە جۇرسە, 70-كە جۋىق ازامات ۇساق بۇزاقىلىق جاساپتى.
