كوكتەمگى دالا جۇمىستارىنىڭ بارىسى تۋرالى وبلىستىق اۋىل شارۋاشىلىعى باسقارماسىنىڭ باسشىسى ساعىنجان اپاقاشوۆ اپپارات جيىنىندا باياندادى.
– بۇگىنگى كۇنى 730,4 مىڭ گەكتار القاپقا ءداندى داقىلدار ءسىڭىرىلدى. كارتوپ 9630 گا جەرگە وتىرعىزىلدى. كوكونىس تۇقىمى 1221 گا القاپقا ەگىلدى. ءىرى اۋىل شارۋاشىلىق تاۋار وندىرۋشىلەرى نەگىزىنەن كوكتەمگى دالا جۇمىستارىن اياقتادى, – دەپ مالىمدەدى ول.
سونداي-اق ساعىنجان اپاقاشوۆ بيىل ديقاندار مينەرالدى تىڭايتقىشتار ساتىپ الۋدى ۇلعايتىپ, كەلىسىم-شارت بويىنشا جەتكىزۋ جۇمىستارى جۇرگىزىلۋ ۇستىندە ەكەنىن حابارلادى. كاسىپورىندارعا سۋبسيديا تولەۋ باستالعان. سۇرىپتى جاڭارتۋ ءۇشىن اۋىل شارۋاشىلىعى وندىرۋشىلەرى 8 700 توننادان استام جوعارى ءونىمدى ءداندى داقىلداردىڭ, 4 300 توننادان استام ەليتالىق كارتوپتىڭ تۇقىمدارىن ساتىپ الدى.
بيىلعى جىلدىڭ كوكتەمگى دالا جۇمىستارىنا 128 شارۋاشىلىق «قازاگرو» كومپانياسى ارقىلى 4 ملرد تەڭگە مولشەرىندە نەسيە الدى. قارجىلاندىرۋ «كەڭ دالا», «قاراپايىم زاتتار ەكونوميكاسى» جانە باسقا دا باعدارلامالار بويىنشا جۇزەگە اسىرىلعان.
سونىمەن قاتار ساعىنجان اپاقاشوۆ 2020 جىلعا ارنالىپ جالپى سوماسى 2,8 ملرد تەڭگە بولاتىن سۋبسيديا تۇرىندەگى مەملەكەتتىك قولداۋ قاراستىرىلعانىن حابارلادى.
