«سىزدەردى حالىقارالىق تۇركى اكادەمياسىنىڭ قۇرىلعانىنا 10 جىل تولۋىمەن قۇتتىقتايمىن!
اكادەميا وسى مەرزىم ىشىندە باۋىرلاس ەلدەردىڭ تاريحى مەن ءتىلىن, مادەنيەتى مەن ادەبيەتىن زەرتتەپ-زەردەلەيتىن ىرگەلى عىلىمي ورتالىققا, بەدەلدى حالىقارالىق ۇيىمعا اينالدى.
ماقساتتى جۇمىستار جۇرگىزۋدىڭ ناتيجەسىندە ورتاق وقۋلىقتار ازىرلەنىپ, الەمنىڭ بىرقاتار تىلدەرىندە كىتاپتار جاريالاندى. بىرىككەن ۇلتتار ۇيىمىنندا جانە يۋنەسكو-دا ۇلى دالانىڭ تاريحى مەن تۇلعالارى جونىندە كوپتەگەن حالىقارالىق جيىندار وتكىزىلدى.
ەلىمىزدە «رۋحاني جاڭعىرۋ» باعادارلاماسىنىڭ اياسىندا جۇزەگە اسىرىلپ جاتقان يگىلىكتى شارلاردى تۋىستاس حالىقتارعا تانىستىرۋ ورايىندا دا بىرقاتار جۇمىستار اتقارىلدى. عىلىمي ىقپالداستىق نەگىزىندە جۇرگىزىلگەن ارحەولوگيالىق قازبا جۇمىستارى تاريحىمىزدى تۇگەندەۋگە قوسىلعان لايىقتى ۇلەس بولدى.
اكادەميانىڭ قىزمەتى الداعى كەزدە دە جەمىستى جالعاسا بەرۋىن تىلەيمىن» دەلىنگەن قۇتتىقتاۋ حاتتا.
ايتا كەتۋ كەرەك, ەلباسى ن.نازارباەۆتىڭ تىكەلەي باستاماسىمەن ناحچىۆان كەلىسىمى نەگىزىندە 2010 جىلى 25 مامىردا ىرگەسى قالانعان تۇركى اكادەمياسى بۇگىندە تولىققاندى حالىقارالىق ۇيىمعا اينالدى.
