سونداي-اق جانات ارىسبەكقىزى عالامتور ارقىلى تۇلەكتەرگە مەكتەپ كەزىندەگى باسىنان وتكەن قىزىقتى وقيعالارىن ايتىپ, جۇرەك تەبىرەنىسىنە تولى ەستەلىكتەرىمەن ءبولىستى.
ال وقۋشىلار الدىن الا دايىندالعان «ۇستازىما مىڭ العىس!» اتتى ەستافەتالىق شەرۋىن ۇسىندى.
«Birgemiz: تۇلەك-2020» ۇرانىمەن وتكەن سوڭعى قوڭىراۋعا حالىقارالىق, رەسپۋبليكالىق دەڭگەيدەگى وليمپيادالىق عىلىمي جوبا جانە سپورتتىق, ونەر سايىستارىنىڭ جەڭىمپازدارى, «التىن بەلگى», «ۇزدىك اتتەستات» يەگەرلەرى قاتىستى. ەركىن فورماتتاعى كەزدەسۋدە تۇلەكتەر جىلى لەبىزدەرىن ءبىلدىرىپ قانا قويماي, ۇستازدارىنا ءان ارنادى.
ايتا كەتەيىك, العاش رەت 9 جانە 11 سىنىپ وقۋشىلارى ەمتيحانسىز 25 مامىر كۇنى جىلدىق قورىتىندىمەن مەملەكەتتىك اتتەستاتقا يە بولدى. بيىل قالادا 8 885 وقۋشى مەكتەپ ءبىتىرىپ وتىر. ونىڭ ىشىندە 546 «التىن بەلگى» يەگەرى جانە ەرەكشە اتەستات الاتىن 356 تۇلەك بار.
ءبىلىم باسقارماسىنىڭ باسشىسى ج.تاجيەۆا ۇلتتىق بىرىڭعاي تەستىلەۋ سىناعىن, اتتەستاتتار مەن «التىن بەلگىنى» تاپسىرۋ ءراسىمىن ۇيىمداستىرۋ كەزىندە قاتاڭ سانيتارلىق تالاپتار ەسكەرىلەتەنىن ايتتى.
ونلاين جيىندا تۇلەكتەر سوڭعى قوڭىراۋ ۇنىمەن ءبىلىم ۇيالارى مەن ۇستازدار قاۋىمىنا العىس ايتتى.
