قىسقاسى, اكىمدىك تيىم سالىنعانىنا قاراماي, كوكجايلاۋ شاتقالىنا شىققان تۋريستەردىڭ بارىنە شارا قولدانباق. ىلە-الاتاۋ ۇلتتىق ساياباعىندا رۇقساتسىز ادامداردى اپارعاندار قىلمىستىق جاۋاپكەرشىلىككە تارتىلۋى دا مۇمكىن.
«كارانتين كەزىندە كوپشىلىكتىڭ جاپپاي جينالۋىنا تىيىم سالىنعان. بىراق وكىنىشكە وراي بۇل ماسەلەنىڭ قاۋىپتىلىگىن ادامدار تۇسىنبەيدى, حالىقتى جينايدى. ءبىز وسى ماسەلەنى قولعا الدىق. قالا اكىمى پد باسشىسىنا ناقتى تاپسىرما بەردى, پروكۋراتۋرادا اينالىسىپ جاتىر. ءبىز وسى ازاماتتاردىڭ ۇستىنەن اكىمشىلىك ءىس قوزعايمىز. ەگەر قاجەت بولسا ۇيىمداستىرۋشىلاردىڭ ۇستىنەن قىلمىستىق ءىس قوزعايمىز. ول ۇلتتىق پارك, وعان رۇقساتسىز كىرۋگە بولمايدى. جينالعاندار كونتسەرت وتكىزىپ, قوقىستارىن شاشىپ, كەتىپ قالعان. ادامدار ماسكاسىز جۇرگەن», – دەدى ەرلان قوجاعاپانوۆ.
ەستەرىڭىزگە سالا كەتەيىك, 24 مامىردا كوكجايلاۋدا ءبىراز ادام جينالىپ, كارانتينگە قاراماستان مەرەكەلىك شارا وتكىزگەن. تىپتەن ەرەكشە قورعاۋداعى ەكولوگيالىق ساياباق سانالاتىن تاۋ شاتقالىنا تۋريستەر قىمبات كولىكتەرىن دە اپارعان. بۇعان دەيىن ەكولوگيا, گەولوگيا جانە تابيعي رەسۋرستار مينيسترلىگىنىڭ وكىلدەرى كارانتين كەزىندە الماتىداعى كوكجايلاۋ شاتقالىندا بولعان زاڭسىزدىققا بايلانىستى مالىمدەمە جاساعان ەدى. مينيسترلىك وكىلدەرى كوكجايلاۋ شاتقالىندا شاتتانىپ جۇرگەن كولىكتىڭ يەسىنە 100 اەك مولشەرىندە (277 800 تەڭگە) ايىپپۇل سالىنعانىن حابارلادى. ال تەرگەۋمەن قازىر مەدەۋ اۋداندىق پوليتسياسى اينالىسىپ جاتىر.
«بۇل جايت بويىنشا قازىر مەدەۋ اۋداندىق پوليتسياسى تەكسەرۋ جۇرگىزىپ جاتىر. پوليتسياعا وسى وقيعا بويىنشا 102 پۋلتىنە جەدەل قوڭىراۋ دەر كەزىندە تۇسكەن جوق. بۇل جايتتى الەۋمەتتىك جەلىلەر ارقىلى بىلدىك. قوقىس تاستاعانى ءۇشىن جانە كاراتين كەزىندە وسىنداي شارا ۇيىمداستىرعانى ءۇشىن ادامدار مىندەتتى تۇردە زاڭ الدىندا جاۋاپ بەرەدى», – دەدى الماتى قالاسى پد رەسمي وكىلى سالتانات ازىربەك.
الماتى
