بيىل وبلىستا مەكتەپ بىتىرۋشىلەردىڭ سانى – 5142 تۇلەك بولدى. ولاردىڭ ىشىندە 362 تۇلەك «التىن بەلگى» يەگەرى جانە 223 تۇلەك ۇزدىك اتتەستات يەگەرى اتاندى.
ەلدەگى كوروناۆيرۋس ىندەتى سوڭعى قوڭىراۋ سالتاناتىنىڭ فورماتىن وزگەرتىپ جىبەردى. 25 مامىر كۇنى 1-10 سىنىپتار ءۇشىن سوڭعى قوڭىراۋ مەرەكەسىنە ارنالعان ونلاين-سىنىپ ساعاتى ءوتتى. WhatsApp جەلىسىندە وتكەن سىنىپ ساعاتىنا اتا-انالار, قامقورشىلىق كەڭەسىنىڭ مۇشەلەرى, ءوڭىردىڭ تانىمال ازاماتتارى, وتكەن جىلدارداعى مەكتەپتەردىڭ تابىستى تۇلەكتەرى, ەلىمىزدىڭ جانە الەمنىڭ ۇزدىك ۋنيۆەرسيتەتتەرىندە وقيتىن ستۋدەنتتەر, بيزنەس وكىلدەرى, مەملەكەتتىك قىزمەتكەرلەر شاقىرىلدى.
الەۋمەتتىك جەلىلەردە ء«سات ساپار, جاس تۇلەك!», «ۇستازدارعا مىڭ العىس», «مەكتەپ – ءبىلىم ورداسى», «كوڭىلدى جازعى دەمالىس» تاقىرىبىمەن بەينەسيۋجەتتەر تاراۋدا.
- 2019-2020 وقۋ جىلىندا ءبىزدىڭ №47 مەكتەپتىڭ 1-11 سىنىپتاردا – 2559 وقۋشى, مەكتەپالدى دايارلىق توبىندا – 236, شاعىن ورتالىقتا – 100 ءبۇلدىرشىن, بارلىعى 2895 بالا ءبىلىم مەن تاربيە الدى. وقۋ جىلىنىڭ قورىتىندىسى بويىنشا 612 وقۋ وزاتى, 997 وقۋ ەكپىندىسى بار. ءبىلىم ساپاسى 63,3%-دى قۇراپ وتىر. 130-عا جۋىق وقۋشىمىز قالالىق, وبلىستىق بايقاۋلاردا, ءبىلىم وليمپيادالارىندا جۇلدەلى ورىنعا يە بولىپ, مەكتەبىمىزدىڭ مارتەبەسىن كوتەردى. سوڭعى توقسانداعى قيىندىقتارعا قاراماستان ءبىز وقۋ جىلىن تابىستى اياقتادىق دەپ ويلايمىن, - دەيدى ورال قالاسىنداعى №47 مەكتەپتىڭ ديرەكتورى ناتاليا ەرعوجيەۆا.
بۇكىل الەمدى ابىگەرگە سالعان كوروناۆيرۋس ىندەتىنىڭ كەسىرىنەن بيىل سوڭعى قوڭىراۋ سالتاناتى مەكتەپ قابىرعاسىندا وتپەدى. بىراق ارنايى بەزەندىرىلگەن كولىكتەر كوشە-كوشەنى ارالاپ, سوڭعى قوڭىراۋ ءۇنىن تاراتتى. ءار كوشەدە تۇراتىن وقۋشىلار سانيتارلىق شارانى ساقتاي وتىرىپ, مەكتەپ فورماسىندا, قولدارىنا شار الىپ ۇيلەرىنىڭ الدىندا قارسىلاپ تۇردى. وقۋشىلار الداعى وقۋ جىلىندا ساباق ءۇردىسى قالىپتى جاعدايعا كوشىپ, التىن ۇيا مەكتەبىنىڭ تابالدىرىعىن اتتايتىن ءساتتى اسىعا كۇتەدى.
باتىس قازاقستان
