وسكەمەندە 24 مامىر كۇنى ساعات 21:00 شاماسىندا قوعامدىق ءتارتىپتى كۇزەتەتىن 5518 اسكەري ءبولىمىنىڭ جاساعىنا ا. ەسىمدى ادام 6 جاسار بالاسى قابانباي باتىر كوشەسى بويىنداعى اۋلادا ويناپ جۇرگەن جەرىنەن جوعالىپ كەتكەنىن ايتىپ, ۇلاندىقتاردان تاۋىپ بەرۋىن وتىنگەن. «مۇنداي كەزدە ماسەلەگە سالعىرت قاراۋعا بولمايدى. بالا باسىندا نەبارى ساناۋلى ساعاتتارعا جوعالىپ, ارتىنشا ورنى تولماس قايعىمەن اياقتالۋى مۇمكىن. سوندىقتان, ءبىز قالايدا بالانى تەز ارادا تابۋعا بارىمىزدى سالدىق» دەيدى اسكەري جاساق باستىعى, قاتارداعى سارباز فارحات سارشينوۆ.
«شىعىس» وڭىرلىك قولباسشىلىعى ءباسپاسوز قىزمەتىنىڭ جەتەكشىسى باعدات امانگەلدىنىڭ ايتۋىنشا, ىزدەۋ جۇمىستارى ەكى ساعاتقا سوزىلىپ, اسكەري جاساق لەۆ تولستوي كوشەسىندەگى اۋلالاردىڭ بىرىنەن بالانى تاۋىپ, اتا-اناسىنا تاپسىرىپتى.
وسكەمەن
