ايماقتار • 25 مامىر، 2020

الماتىدا حقو-لار جۇمىسىن قايتا باستادى

40 رەت كورسەتىلدى

الماتى قالاسىنىڭ باس سانيتار دارىگەرىنىڭ شەشىمىمەن بۇگىننەن باستاپ وڭتۇستىك استانادا حالىققا قىزمەت كورسەتۋ ورتالىقتارى اشىلدى.  قالاداعى 16 فرونت-وفيس، 5 مامانداندىرىلعان حقو-نىڭ،  2 ميگراتسيالىق قىزمەت كورسەتۋ ورتالىعىنىڭ جانە 2 تسيفرلىق قىزمەت كورسەتۋ ورتالىعى قىزمەتى قايتا باستادى. جۇمىس ۋاقىتى تاڭعى ساعات 9.00-دەن 18.00-گە دەيىن. الدىن الا جازىلۋسىز حقو-لاردا ەشقانداي قىزمەت كورسەتىلمەيدى.

ۆيرۋستىڭ تارالۋ قاۋپى ساقتالۋىنا بايلانىستى حالىققا قىزمەت كورسەتۋ ورتالىقتارىنىڭ جۇمىس ءتارتىبىن وزگەرتۋ تۋرالى شەشىم قابىلدانعان بولاتىن.

«ەندى الماتىلىقتار حقو-دا ەلەكتروندى فورماتتا قولجەتىمسىز، «قاعاز» جۇزىندەگى قىزمەتتەردى عانا الا الادى. بۇل شامامەن 100 مەملەكەتتىك قىزمەت، ولاردى الۋ ءۇشىن حقو-عا بارۋ قاجەت. سونداي-اق حقو-دان egov.kz پورتالى ارقىلى ونلاين تۇردە راسىمدەلگەن قىزمەتتەردىڭ دايىن ناتيجەسىن الۋعا بولادى. مەملەكەتتىك قىزمەت كورسەتۋدىڭ جاڭا فورماتىنا كوشۋگە بايلانىستى نىساندار ەپيدەمياعا قارسى بارلىق سانيتاريالىق رەجيمدى قاتاڭ ساقتاۋ، الەۋمەتتىك قاشىقتىق جانە ادامدار اعىنىن رەتتەۋ سەكىلدى شارالاردى ساقتاي وتىرىپ جۇمىس ىستەۋدە»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.    

وسىلايشا، الماتى قالاسىنداعى 5 مامانداندىرىلعان حقو-نىڭ،  2 ميگراتسيالىق قىزمەت كورسەتۋ ورتالىعىنىڭ جانە 2 تسيفرلىق قىزمەت كورسەتۋ ورتالىعىن قوسا العاندا 16 فرونت-ءوفيستىڭ قىزمەتى قايتا باستالدى. ولاردا جۇمىس ىستەيتىن 1600-دەن استام ادام، ونىڭ ىشىندە كليەنتتەرمەن تىكەلەي بايلانىستا جۇمىس ىستەيتىن 933 فرونت-وفيس قىزمەتكەرلەرى جۇمىسقا ورالدى. جۇمىس ۋاقىتى دۇيسەنبى مەن سەنبى ارالىعىندا، تاڭعى ساعات 9.00-دەن 18.00-گە دەيىن. الدىن الا جازىلۋسىز حقو-لاردا ەشقانداي قىزمەت كورسەتىلمەيدى.

حقو-عا بارۋ ءۇشىن كەزەك ۋاقىتىن 1414 بايلانىس ورتالىعى نەمەسە نەمەسە egov.kz پورتالىنداعى ارنايى سەرۆيس ارقىلى الدىن الا برونداۋ قاجەت بولادى.

مەملەكەتتىك قىزمەت كورسەتۋدىڭ جاڭا تۇجىرىمداماسىنا كوشۋگە بايلانىستى نىساندار ەپيدەمياعا قارسى بارلىق سانيتارلىق رەجيمدى قاتاڭ ساقتاۋ، الەۋمەتتىك قاشىقتىق جانە ادامدار اعىنىن رەتتەۋ سەكىلدى شارالاردى ساقتاي وتىرىپ جۇمىس ىستەۋدە.

«قالعان، ەلەكتروندى فورماتقا اۋدارىلعان جانە egov.kz پورتالىندا قولجەتىمدى بارلىق مەملەكەتتىك قىزمەتتىڭ 80%-دان استامىن تەك وزدىگىنەن نەمەسە اكىمدىكتەر جانىنداعى كەڭسەلەردە، وقۋ ورىندارىندا، مەديتسينالىق ۇيىمداردا، ەكىنشى دەڭگەيدەگى بانكتەردە، جۇمىسپەن قامتۋ جانە الەۋمەتتىك باعدارلامالار بولىمدەرىندە، «نۇر وتان» پارتياسى كەڭسەلەرىندە، ساۋدا ورتالىقتارىندا، اۆتوسالونداردا،  جانە ت.ب. ورىندارداعى وزىنە-ءوزى قىزمەت كورسەتۋ سەكتورلارىنان الا الادى. بۇل ازاماتتاردىڭ حقو-دا كوپتەپ جينالۋىن بولدىرمايدى جانە ۆيرۋستى جۇقتىرۋ قاۋپىن جويادى»، - دەيدى فيليال ديرەكتورى دانيار قىرىقباەۆ.    

 

 

الماتى

سوڭعى جاڭالىقتار

ۇقساس جاڭالىقتار