«پرومىشلەننىي تۇرعىن ءۇي الابىندا 20 جىلدان بەرى تۇرىپ جاتىرمىن. اۋدانىمىزدا جول جۇمىستارى جۇرۋدە. كوپتەن كۇتكەن جاڭالىققا تۇرعىندار وتە ريزا. جاعداي جاقسارادى. بالالار ويناي الادى. ەندى ولارعا مەكتەپكە جەتۋ وڭاي, رەزەڭكە ەتىك الۋدىڭ قاجەتى جوق. شۇڭقىرلاردىڭ كەسىرىنەن كولىكتى ءجيى جوندەمەيتىن بولدىق», – دەيدى «پرومىشلەننىي» تۇرعىن الابىنىڭ تۇرعىنى بالعاباي ىبرايىمبەكوۆ (بالۋان شولاق كوشەسى).
«بىزدە العاش رەت جارىق پەن جول جەلىسى تارتىلدى. بۇرىن شاڭدى جانە لاس بولاتىن. كوشەلەر قاراڭعى بولدى. ال قازىر وتە تىنىش, بالالار كوشەدە وينايدى. بىزدە ءبارى جاقسى», – دەدى ء«وندىرىس» تۇرعىن ءۇي الابىنىڭ تۇرعىنى انار ماحمەتوۆا (اقپان تۇيىعى كوشەسى, 7). جۇمىس ءتيىستى دەڭگەيدە جۇرگىزىلۋى ءتيىس, ساپاسىز جولداردى اكىمدىك قابىلدامايدى.
«جۇمىسپەن قامتۋدىڭ جول كارتاسى» باعدارلاماسى بويىنشا بيىل 15 مىڭ جۇمىس ورنى, جول جۇمىستارى اياسىندا 1,5 مىڭ جاڭا جۇمىس ورنى اشىلادى. جۇمىسقا ورنالاستىرۋ ءبىرىنشى كەزەكتە جۇمىسپەن قامتۋ ورتالىقتارى ارقىلى جۇرەدى.
سونىمەن قاتار, بيىل ەكى كوپىر قۇرىلىسى اياقتالادى. كوشەلەردە 10 مىڭ ەنەرگيا ۇنەمدەيتىن شامدار ورناتىلادى – اتالعان شامدار ەلەكتر ەنەرگياسىن 40%-عا ۇنەمدەيدى جانە ادەتتەگى شامدارعا قاراعاندا ايتارلىقتاي جارىق بولادى. سونداي-اق ەلوردادا اۋلالاردى, ءۇي اۋماقتارىن جانە قوعامدىق كەڭىستىكتەردى اباتتاندىرۋ بەلسەندى جۇرگىزىلۋدە. بيىل 150 اۋلا مەن 50 قوعامدىق كەڭىستىك (ساياباقتار, سكۆەرلەر) اباتتاندىرىلادى.
