مەديتسينالىق ۇيىمدار ءدارى-دارمەكپەن, جەكە مەديتسينالىق قورعاۋ زاتتارمەن جانە ءتيىستى قۇرال جابدىقتارمەن قامتاماسىز ەتىلدى. قالادا جۇقپالى اۋرۋلار اۋرۋحاناسىندا كوروناۆيرۋسكە ارنالعان توسەك ورىندار 300-دەن 450-گە ۇلعايتىلدى. بۇدان باسقا, 320 توسەك ورىندىق پروۆيزورلىق ستاتسيونارلار, 1 416 كارانتيندىك ورىندار اشىلدى.
Covid-19 جۇقتىرعان ازاماتتاردى ۋاقىتىلى انىقتاۋ ماقساتىندا, لابوراتوريالىق تەستتەن وتكىزۋ شارالارى كۇشەيتىلدى. قالاداعى ۇلتتىق زەرتتەۋ ورتالىعىنىڭ فيليالىنان بولەك, قوسىمشا 3 لابوراتوريالىق زەرتتەۋ ورىندارى اشىلدى. ناتيجەسىندە, كۇنىنە تەستىلەۋ قۋاتتىلىعى 300-دەن 500-گە جەتكىزىلدى.
سونىمەن قاتار, جاڭادان 2 لابوراتوريا اشىلىپ,تەستىلەۋدى 3 ەسەگە دەيىن ۇلعايتادى. ءساۋىر-مامىر ايلارىندا جوسپارلى تەستىلەۋدەن وتەتىن 23 مىڭ ادامنىڭ 19 845 ياعني, 86% پتسر تەستتەن وتكىزىلدى.
قالا اكىمدىگى رەزەرۆىنەن كوروناۆيرۋسكە قارسى شارالارعا 1,2 ملرد.تەڭگە قارجى باعىتتالدى. ونىڭ ىشىندە, مەديتسينالىق مەكەمەلەردىڭ ماتەريالدىق-تەحنيكالىق بازاسىن نىعايتۋعا 501 ملن.تەڭگە ءبولىندى. ودان بولەك, 5,8 ملرد.تەڭگەگە قالادا جاڭادان 200 ورىندىق جۇقپالى اۋرۋلارعا ارنالعان گوسپيتال قۇرىلىسى جۇرگىزىلۋدە. اعىمداعى جىلدىڭ 1-ءشى ماۋسىمىندا پايدالانۋعا بەرىلەتىن بولادى.
