- تالدىقورعان قلاسىنىڭ 1959, 1964, 1983, 1990 جىلى تۋعان تۇرعىندارىنان ىندەت بەلگىسى تابىلدى. ولاردىڭ ۇشەۋى بۇرىن كوروناۆيرۋس ينفەكتسياسىمەن اۋىرعان اداممەن بايلانىستا بولعان, ال بىرەۋى پروفيلاكتيكالىق تەكسەرۋ بارىسىندا انىقتالدى. بارلىق ناۋقاستار بۇرىن وقشاۋلانعان, قازىرگى ۋاقىتتا جۇقپالى اۋرۋلار بولىمىنە اۋىستىرىلدى. ەپيدەميولوگيالىق تەكسەرۋ جۇرگىزىلۋدە, - دەپ حابارلادى الماتى وبلىسى اكىمىنىڭ ءباسپاسوز قىزمەتى.
ايتپاقشى, بۇگىن الەۋمەتتىك جەلى قولدانۋشىلارى الماتى وبلىسىندا جۇقپالى ىندەتتەن قايتىس بولعان ناۋقاس تۋرالى جازعان بولاتىن. وسىعان وراي وبلىس اكىمىنىڭ ءباسپاسوز حاتشىسى عالىمۇرات جۇكەلدەن ماسەلەنىڭ انىعىن سۇراعان ەدىك, ول ايماقتا ىندەتتەن كوز جۇمعان ناۋقاس تىركەلمەگەنىن, تاراعان اقپاراتتىڭ جالعان ەكەنىن ءتۇسىندىردى. ءباسپاسوز حاتشىسىنىڭ ايتۋىنشا, ۆيرۋس جۇقتىرعان بارلىق ناۋقاستىڭ دەنساۋلىعى قالىپتى. ەم الۋشىلاردىڭ جاعدايى ناشارلاپ, جاساندى تىنىس الۋ قۇرىلعىسىنىڭ كومەگىنە جۇگىنۋى بولماعان ەكەن.
الماتى وبلىسى
