كوتەرىلىسكە تىيىم سالاتىن زاڭ گونكونگتىڭ زاڭ شىعارۋشىلارىن اينالىپ وتپەك. ساراپشىلار بەيجىڭ گونكونگكە بەرگەن قىتايدىڭ باسقا جەرىندە كەزىكپەيتىن بوستاندىققا قاتىستى ۋادەسىن بۇزدى دەيدى. دەموكراتيا جاقتاستارى گونكونگ اۆتونومياسى بۇزىلدى دەپ, حالىقتى كوتەرىلىسكە شاقىرۋدا. جۇما كۇنى گونكونگتاعى قىتاي ۇلتتىق ۇكىمەتىنىڭ بايلانىس ءوفيسىنىڭ الدىنا ءبىر توپ نارازى جينالىپ, اكتسيا وتكىزدى. گونكونگ اكىمشىلىگى بەيجىڭمەن بىرگە زاڭدى قايتا قاراپ, قالانىڭ بوستاندىعىنا اسەر ەتپەيتىن وزگەرتۋلەر ەنگىزەتىنىن مالىمدەدى.
زاڭ جوباسى جىل سايىنعى ۇلت وكىلدەرىنىڭ كونگرەسىندە تانىستىرىلدى. جوبانىڭ وزىندە كوممۋنيستىك بيلىكتىڭ شەشىمدەرى كورىنىپ تۇردى. گونكونگ قىتايدىڭ جارتىلاي اۆتونومدى ءارى ەكونوميكالىق ماڭىزدى بولىگى ەكەنى بەلگىلى. 1997 جىلى بريتانيادان قىتايعا وتكەن كەزدە قاۋىپسىزدىك جونىندە زاڭ قابىلداۋعا ءماجبۇر بولدى. ال بىلتىرعى گونكونگ تۇرعىندارىنىڭ ۇزاققا سوزىلعان نارازىلىعىنان كەيىن بەيجىڭ كەلەشەكتە مۇنداي كەلەڭسىزدىكتىڭ الدىن الۋ ءۇشىن زاڭ نەگىزىندە شارالار قولدانۋ كەرەك دەگەن تۇجىرىم ايتادى. زاڭ قارجى نارىعىن دا ءبىر سىلكىندىردى. ناتيجەسىندە, Hang Seng گونكونگتىك يندەكسى 5 پايىزعا ءتۇسىپ كەتتى.
ساراپشىلار قىتاي بيلىگىن بۇل شاراعا يتەرمەلەگەن بىرنەشە فاكتور بار دەپ سانايدى. ماسەلەن, قىركۇيەك ايىنا جوسپارلانعان گونكونگتەگى سايلاۋ دا مۇنداي قادامعا سەبەپ بولۋى مۇمكىن.
